RCB vs CSK : विराट कोहलीची ऐतिहासिक कामगिरी, एम चिन्नास्वामी स्टेडियममध्ये महारेकॉर्ड
Virat Kohli RCB vs CSK : विराट कोहली याने आरसीबीच्या साखळी फेरीतील अखेरच्या सामन्यात चेन्नई सुपर किंग्स विरुद्धच्या सामन्यात इतिहास रचला आहे.
रॉयल चॅलेंजर्स बंगळुरुचा माजी कर्णधार आणि अनुभवी फलंदाज विराट कोहली याने आयपीएलच्या 17 व्या मोसमातील 68 व्या सामन्यात चेन्नई सुपर किंग्स विरुद्ध 29 बॉलमध्ये 162.07 च्या स्ट्राईक रेटने 47 धावांची झंझावाती खेळी केली. विराट कोहलीने या खेळीत 4 षटकार आणि 3 चौकार ठोकले. विराटचं अर्धशतक अवघ्या 3 धावांनी हुकलं. मात्र विराटने त्याला रनमशीन का म्हणतात हे पुन्हा एकदा सिद्ध केलं आहे. विराट कोहलीने एम चिन्नास्वामी स्टेडियममध्ये इतिहास रचला आहे. तसेच विराट कोहली आयपीएलच्या इतिहासात अशी कामगिरी करणार पहिलाच फलंदाज ठरला आहे.
‘विराट’ महारेकॉर्ड
विराट कोहलीने 13 धावा पूर्ण करताच महारेकॉर्ड केला. विराट आयपीएलच्या इतिहासात एकाच मैदानात 3 हजार धावा पूर्ण करणारा एकमेव फलंदाज ठरला आहे. विराटने आरसीबीच्या डावातील तिसऱ्या ओव्हरमध्ये तुषार देशपांडे याच्या बॉलिंगवर 98 मीटर लांब खणखणीत सिक्स ठोकला. विराटने मारलेला फटका हा छताला लागला. विराटने यासह आपल्या 3 हजार धावा पूर्ण केल्या. विराटच्या नावावर या सिक्ससह चिन्नास्वामी स्टेडियममध्ये 3 हजार 5 धावा पूर्ण झाल्या. विराटनंतर एकाच स्टेडियममध्ये सर्वाधिक धावांच्या बाबतीत दुसऱ्या स्थानी रोहित शर्मा आहे. रोहितने वानखेडे स्टेडियम या आपल्या होम ग्राउंडमध्ये 2 हजार 295 धावा केल्या आहेत. तर एबी डी व्हीलियर्स याने एम चिन्नास्वामी स्टेडियमवर 1 हजार 960 धावा केल्या आहेत.
दरम्यान विराट आणि कॅप्टन फाफ डु प्लेसीस या सलामी जोडीने अर्धशतकी भागीदारी करत आरसीबीला शानदार सुरुवात करुन दिली. या दोघांनी पहिल्या विकेटसाठी 9.4 ओव्हरमध्ये 78 धावांची भागीदारी केली. त्यानंतर विराट आऊट झाला. आता फाफ डु प्लेसीस आणि इतर फलंदाजांच्या कामगिरीकडे क्रिकेट चाहत्यांचं लक्ष असणार आहे.
विराट कोहलीचा महारेकॉर्ड
The @RCBTweets openers start in style!
Virat Kohli also completes 3000 runs at the Chinnaswamy Stadium 🏟️
Follow the Match ▶️ https://t.co/7RQR7B2jpC#TATAIPL | #RCBvCSK | @imVkohli pic.twitter.com/JFTY7OBsvn
— IndianPremierLeague (@IPL) May 18, 2024
रॉयल चॅलेंजर्स बेंगळुरू प्लेइंग ईलेव्हन : फाफ डू प्लेसिस (कॅप्टन), विराट कोहली, ग्लेन मॅक्सवेल, रजत पाटीदार, कॅमेरॉन ग्रीन, महिपाल लोमरोर, दिनेश कार्तिक (विकेटकीपर), कर्ण शर्मा, यश दयाल, लॉकी फर्ग्युसन आणि मोहम्मद सिराज.
चेन्नई सुपर किंग्ज प्लेइंग ईलेव्हन : ऋतुराज गायकवाड (कॅप्टन), रचिन रवींद्र, डॅरिल मिशेल, अजिंक्य रहाणे, रवींद्र जडेजा, महेंद्रसिंह धोनी (विकेटकीपर), मिचेल सँटनर, शार्दूल ठाकुर, तुषार देशपांडे, सिमरजीत सिंग आणि महेश तीक्षना.
