DC vs CSK: यलो आर्मीला 1 चूक प्रचंड महागात, चेन्नईला 37 धावांचा फटका, काय झालं? पाहा व्हीडिओ

आयपीएल स्पर्धेच्या 19 व्या मोसमात सुमार फिल्डिंग सुरुच आहे. या मोसमाआधी प्रत्येक हंगामात खेळाडूंनी कॅच ड्रॉप केल्या आहेत. मात्र 19 व्या मोसमात तर खेळाडूंनी कहर केला आहे. या हंगामात जणू खेळाडूंमध्ये कॅच सोडण्याची स्पर्धाच सुरु असल्याचं चित्र पाहायला मिळत आहे. चेन्नई सुपर किंग्सला दिल्ली कॅपिट्ल्स विरूद्धच्या सामन्यात त्यांच्या एका खेळाडूने केलेली एक चूक चांगलीच महागात पडली आहे. चेन्नईच्या खेळाडूने दिल्लीच्या ट्रिस्टन स्टब्स याचा सोपा कॅच सोडला. त्यामुळे चेन्नईला तब्बल 37 धावांचा फटका बसला. चेन्नईच्या खेळाडूने कॅच सोडल्याने दिल्लीला 150 पार मजल मारता आली. दिल्लीने अरुण जेटली स्टेडियममध्ये 20 ओव्हरमध्ये 155 धावा केल्या. चेन्नईच्या खेळाडूकडून नक्की काय चूक झाली? हे सविस्तर जाणून घेऊयात.

नूर अहमदकडून घोडचूक

नूर अहमद याने दिल्लीच्या डावातील 11 व्या ओव्हरमध्ये कॅच सोडली. गुरजनप्रीत सिंग याने टाकलेल्या बॉलवर ट्रिस्टन स्टब्स याने फटका मारला. स्टब्सने जिथे फटका मारला तिथे नूर उभा होता. मात्र नूरने ट्रिस्टनचा कॅच सोडला. नूरने कॅच सोडला तेव्हा ट्रिस्टन 1 धावेवर खेळत होता. मात्र त्यानतंर ट्रिस्टनने त्याला मिळालेल्या जीवनदानाचा पूर्ण फायदा घेतला. ट्रिस्टनने एकूण 38 धावांची खेळी केली. ट्रिस्टनने या 38 धावांच्या खेळीत 31 बॉलमध्ये 2 सिक्स आणि 1 फोर लगावला. अशाप्रकारे चेन्नईला नूरची एक चूक 37 धावांनी महागात पडली. नूरच्या या एका चुकीचा फायदा घेऊन ट्रिस्टन स्टब्स आणि समीर रिझवी या दोघांनी सहाव्या विकेटसाठी अर्धशतकी भागीदारी केली.

सहाव्या विकेटसाठी निर्णायक भागीदारी

ट्रिस्टन आणि समीर या दोघांनी सहाव्या विकेटसाठी दिल्लीच्या डावातील सर्वात मोठी भागीदारी केली. दोघांनी 47 बॉलमध्ये 65 रन्स जोडल्या. समीर रिझवीने या दरम्यान दिल्लीसाठी सर्वाधिक धावांचं योगदान दिलं. समीरने 24 बॉलमध्ये 40 रन्स केल्या. समीरने या 40 पैकी 24 धावा या षटकारांच्या मदतीने केल्या. समीरने 4 षटकार लगावले.

नूर अहमदकडून ट्रिस्टन स्टब्सला जीवनदान

Drop it, regret it 🔥#TristanStubbs makes the most of the drop!

Will this prove costly for #CSK? 🤔#TATAIPL Revenge Week 2026 ➡️ #DCvCSK | LIVE NOW 👉https://t.co/hVsFUTS2OG pic.twitter.com/L3tT7xbfSw

— Star Sports (@StarSportsIndia) May 5, 2026

2 गुणांसाठी जोरदार चुरस

दरम्यान दिल्ली आणि चेन्नई या दोन्ही संघांसाठी प्लेऑफच्या हिशोबाने अतिशय महत्त्वाचा सामना आहे. दोन्ही संघांची या मोसमात नेट रनरेटचा अपवाद वगळता सारखीच कामगिरी राहिली आहे. चेन्नई आणि दिल्लीने या मोसमात आतापर्यंत एकूण 9 सामने खेळले आहेत. दोन्ही संघांनी 9 पैकी 4 सामने जिंकले आहेत. चेन्नई पॉइंट्स टेबलमध्ये सहाव्या आणि दिल्ली सातव्या स्थानी आहे. दिल्ली आणि चेन्नईपैकी जिंकणारा संघ प्लेऑफच्या शर्यतीत आपला दावा मजबूत करेल. तर पराभूत संघाचं प्लेऑफचं आव्हान आणखी अवघड होईल. त्यामुळे कोणता संघ 2 गुणांची कमाई करणार? हे पाहणं महत्त्वाचं ठरणार आहे.