Rajvardhan hangargekar IPL Auction 2022: उस्मानबादच्या राजवर्धनसाठी तीन फ्रेंचायजी भिडल्या, अखेर धोनीच्या CSK ने मारली बाजी
Rajvardhan hangargekar IPL Auction 2022: अंडर 19 वर्ल्डकप संघातील (Under 19 world cup) स्टार खेळाडू राजवर्धन हंगरगेकर कोट्यधीश झाला आहे.
बंगळुरु: भारताच्या अंडर 19 वर्ल्डकप संघातील (Under 19 world cup) स्टार खेळाडू राजवर्धन हंगरगेकर कोट्यधीश झाला आहे. आज IPL Mega Auction 2022 मध्ये त्याच्यावर मोठी बोली लागली. राजवर्धन मूळचा उस्मानाबादचा आहे. मध्यमगती गोलंदाजी करणाऱ्या राजवर्धन हंगरगेकरने (rajvardhan hangargekar) वर्ल्डकप गाजवला. त्याने गोलंदाजी आणि फलंदाजी दोघांमध्ये योगदान दिलं. महाराष्ट्राच्या या गुणी अष्टपैलू खेळाडूवर आयपीएल फ्रेंचायजींची नजर पडली नसती, तर नवलं वाटलं असतं.
उस्मानाबादच्या राजवर्धन हंगरगेकरसाठी मुंबई इंडियन्स, चेन्नई सुपर किंग्स आणि लखनऊ सुपर जायंट्समध्ये बिडींग वॉर पहायला मिळालं. अखेर चेन्नईने या बिडींग वॉरमध्ये बाजी मारली. 20 लाख बेस प्राइस असलेल्या राजवर्धनला CSK ने 1.50 कोटींची बोली लावून विकत घेतलं. राजवर्धन आता आपल्याला पिवळ्या जर्सीत खेळताना दिसणार आहे.
वर्ल्डकपमधील योगदान
राजवर्धन हंगरगेकर हा खेळाडू मूळचा उस्मानाबादचा आहे. मध्यमगती गोलंदाजी करणाऱ्या राजवर्धन हंगरगेकरने गोलंदाजी आणि फलंदाजीत दोघांमध्ये योगदान दिलं. वर्ल्डकपच्या सहा सामन्यांमध्ये खेळताना त्याने एकूण पाच विकेट काढल्या. दुसऱ्या आयर्लंड विरुद्धच्या सामन्यात तर त्याने 17 चेंडूत 39 धावा तडकावल्या. यात एक चौकार आणि पाच षटकार होते. उस्मानाबाद सारख्या छोट्या शहरातून आलेला हा एक गुणवान ऑलराऊंडर क्रिकेटपटू आहे. गोलंदाजी बरोबरच उपयुक्त फलंदाजी करण्याचं कौशल्य त्याच्याकडे आहे.
