IPL Playoff: आरसीबी प्लेऑफच्या जागेपासून फक्त दोन विजय दूर, रनरेटमध्ये घेतली मोठी सरशी

आयपीएल 2026 स्पर्धेतील 39व्या सामन्यात रॉयल चॅलेंजर्स बंगळुरूने दिल्ली कॅपिटल्सचा दारूण पराभव केला. या विजयासह आरसीबीने प्लेऑफच्या दिशेने कूच केली आहे. आता फक्त 2 विजय मिळवताच आरसीबीची प्लेऑफमधील जागा पक्की होणार आहे.

IPL Playoff: आरसीबी प्लेऑफच्या जागेपासून फक्त दोन विजय दूर, रनरेटमध्ये घेतली मोठी सरशीImage Credit source: IPL/BCCI

Rakesh Thakur | Updated on: Apr 27, 2026 | 10:22 PM

आयपीएल 2026 स्पर्धेतील 39 सामन्यांचा खेळ संपला आहे. आता प्लेऑफमध्ये स्थान मिळण्यासाठी जोरदार चुरस निर्माण झाली आहे. पण पंजाब किंग्स आणि रॉयल चॅलेंजर्स बंगळुरू हे संघ सहज प्लेऑफमध्ये जागा मिळवतील असं चित्र दिसत आहे. मागच्या पर्वात हे दोन्ही संघ अंतिम फेरीत भिडले होते. तेव्हा आरसीबीने पंजाब किंग्सला पराभूत करून जेतेपदावर नाव कोरलं होतं. आता हे दोन्ही प्लेऑफमध्ये जागा मिळवण्यासाठी आघाडीवर आहे. त्यासाठी त्यांना आता फक्त दोन विजयाची गरज आहे. त्यातल्या त्यात आरसीबीकडे मोठी संधी आहे. कारण आरसीबीने दोन विजय मिळवताच प्लेऑफमधील स्थान पक्कं होणार आहे. आतापर्यंत आरसीबीने आठ सामन्यात जबरदस्त कामगिरी केली आहे. चला जाणून घेऊयात आरसीबीची कामगिरी कशी आहे ती…

रॉयल चॅलेंजर्स बंगळुरूने आतापर्यंत स्पर्धेत आठ सामने खेळले आहेत. त्यापैकी सहा सामन्यात विजय मिळवला आहे. तर दोन सामन्यात पराभवाचं तोंड पाहावं लागलं आहे. आरसीबीच्या पारड्यात 12 गुण असून नेट रनरेट हा +9.919 आहे. आरसीबीला आता स्पर्धेत सहा सामने खेळायचे आहे. सहापैकी दोन सामन्यात विजय मिळवताच आरसीबीला प्लेऑफमध्ये स्थान मिळणार आहे. कारण प्लेऑफमध्ये 16 मिळवणारा संघ जागा पक्की करतो. आता आरसीबी पुढच्या सहा सामन्यात कशी कामगिरी करतो हे पाहणं औत्सुक्याचं ठरणार आहे. कारण टॉप 2 मध्ये जागा मिळवण्यासाठी प्राधान्य असणार आहे. टॉप 2 मध्ये जागा मिळवली तर प्लेऑफमध्ये एक विजय मिळवताच अंतिम फेरी गाठण्याची संधी मिळते. पण पराभूत झाला तरी स्पर्धेतील आव्हान संपुष्टात येत नाही. अजून एक सामना खेळून पुन्हा अंतिम फेरीत जाण्याचा मार्ग खुला असतो.