AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

हार्दिक पांड्यासाठी लखनौ सुपर जायंट्सने टाकले फासे! बदल्यात हा खेळाडू देण्याची तयारी

मुंबई इंडियन्सचा कर्णधार हार्दिक पांड्यासाठी बऱ्याच फ्रेंचायझींनी रस दाखवल्याचं दिसून येत आहे. त्याच्या नेतृत्वात सलग तीन वर्षे मुंबईची कामगिरी निराशाजनक झाली होती. आता त्याला रिलीज करणार अशा बातम्या समोर येत आहे. त्यामुळे फ्रेंचायीझींमध्ये चढाओढ लागली आहे.

हार्दिक पांड्यासाठी लखनौ सुपर जायंट्सने टाकले फासे! बदल्यात हा खेळाडू देण्याची तयारी
हार्दिक पांड्यासाठी केकेआरनंतर लखनौ सुपर जायंट्सने टाकले फासे! बदल्यात हा खेळाडू देण्याची तयारीImage Credit source: PTI
| Updated on: Aug 11, 2026 | 11:47 PM
Share

टीम इंडियाचा स्टार अष्टपैलू खेळाडू हार्दिक पांड्यासाठी आयपीएल 2027 स्पर्धेसाठी जोरदार रस्सीखेच सुरू असल्याचं दिसत आहे. दोन दिवसाआड त्याच्या ट्रेडिंगच्या बातम्या समोर येत आहेत. कधी ही फ्रेंचायझी तर कधी त्या फ्रेंचायझीसोबत त्याचं नाव जोडलं जात आहे. पण अधिकृतरित्या काहीच समोर आलेलं नाही. आता एका रिपोर्टनुसार, लखनौ सुपर जायंट्सने हार्दिक पांड्यासाठी फासे टाकल्याचं बोललं जात आहे. नुकतंच लखनौ सुपर जायंट्सने ऋषभ पंतला रिलीज केलं आहे. तसेच दिल्ली कॅपिटल्सकडून कुलदीप यादवला संघात घेतलं आहे. पण लखनौ सुपर जायंट्सला एका चांगल्या अनुभवी कर्णधाराची गरज आहे. हार्दिक पांड्याच्या रुपाने गरज भरून निघण्याची शक्यता आहे. त्यामुळे लखनौ सुपर जायंट्स त्याच्यासाठी इच्छुक असल्याचं बोललं जात आहे. टी20 क्रिकेटमध्ये हार्दिक पांड्यासारखा वेगवान गोलंदाजी करणारा आणि खालच्या क्रमांकावर येऊन मॅच फिनिश करणारा दर्जेदार भारतीय अष्टपैलू खेळाडू मिळणे कठीण आहे. त्यामुळे त्याच्यासाठी वाटेल ती किंमत मोजण्याची तयारी लखनौ दाखवल्याचं बोललं जात आहे.

हार्दिकसाठी निकोलस पूरनला सोडणार!

हार्दिक पांड्याला संघात घेण्यासाठी लखनौ सुपर जायंट्स एक ऑफर दिल्याची चर्चा सोशल मीडियावर रंगली आहे. हार्दिकसाठी निकोलस पूरनला सोडण्याची तयारी लखनौ सुपर जायंट्सने दाखवली आहे. निकोलस पूरनची रिटेन्शन किंवा सॅलरी व्हॅल्यू खूप जास्त आहे. निकोलस पूरनसाठी 21 कोटी रुपये मोजत आहेत. जर लखनौने त्याला ट्रेड केले, तर हार्दिकला घेणं सोपं जाईल. यासाठी मुंबई इंडियन्सला निकोलस पूरन आणि 10 कोटींची ऑफर दिल्याची चर्चा आहे. त्यात निकोलस पूरनची मागच्या पर्वात कामगिरी काही खास नव्हती. त्यामुळे त्याला सोडण्याचा विचार लखनौ सुपर जायंट्स करत असल्याचं बोललं जात आहे. पण हा ट्रेड मान्य होईल का? हा देखील प्रश्न आहे.

हार्दिक पांड्याची आयपीएल कारकीर्द

मुंबई इंडियन्सने 2015 मध्ये हार्दिक पांड्याला 10 लाखांच्या बेस प्राईसमध्ये घेतलं होतं. त्याने 2021 पर्यंत मुंबई इंडियन्समध्ये कारकीर्द गाजवली.गुजरात टायटन्सने 2022 मध्ये त्याला 15 कोटी रुपयांमध्ये ड्राफ्ट केले आणि संघाचा कर्णधार बनवले. त्याच्या नेतृत्वात गुजरात टायटन्सने पहिल्याच फटक्यात जेतेपद मिळवलं. त्यानंतर 2023 मध्ये त्याच्या नेतृत्वात गुजरात टायटन्सने अंतिम फेरी गाठली होती. पण 2024 मध्ये मुंबई इंडियन्स ट्रेड विंडोच्या माध्यमातून त्याला संघात घेतलं. तसेच त्याच्याकडे नेतृत्व सोपवलं. पण 2024 ते 2026 या कार्यकाळात त्याच्या नेतृत्वात मुंबई इंडियन्सची कामगिरी निराशाजनक राहिली. त्यामुळे त्याला रिलीज करणार या चर्चांना उधाण आलं आहे.

Follow Us
मेट्रो स्थानकांची नावे बदलणार? मुंबई, पुणे, नागपूरसाठी बैठकीत...
मेट्रो स्थानकांची नावे बदलणार? मुंबई, पुणे, नागपूरसाठी मुख्यमंत्र्यांच्या अध्यक्षतेखाली विशेष समिती गठीत!
भररस्त्यात दुचाकी पेटवली अन् रस्त्यावरच... मद्यधुंध तरुणाचा धक्कादायक
भररस्त्यात दुचाकी पेटवली अन् रस्त्यावरच... मद्यधुंध तरुणाचा धक्कादायक प्रकार
सोलापुरात ऊस दराचा तिढा कायम! जयकुमार गोरेंसोबतची बैठक निष्फळ, आता...
सोलापुरात ऊस दराचा तिढा कायम! जयकुमार गोरेंसोबतची बैठक निष्फळ, कारखानदारांनी मागितली 2 दिवसांची मुदत
दाऊद इब्राहिमच्या जुन्या वास्तव्यावर हातोडा! भेंडी बाजारातील इमारत...
दाऊद इब्राहिमच्या जुन्या वास्तव्यावर हातोडा! भेंडी बाजारातील मुसाफिरखाना इमारतीवर पालिकेची मोठी कारवाई
शायना एनसी यांच्यावर शाईफेक करणाऱ्याला 1 लाखांचे बक्षीस! रूपम घुगे...
शायना एनसी यांच्यावर शाईफेक करणाऱ्याला 1 लाखांचे बक्षीस! रूपम घुगे यांची मोठी घोषणा
शायना एनसी यांनी बाळासाहेबांचा फोटोही फाडला, ठाकरेंची शिवसेना आक्रमक..
Shivsena : शायना एनसी यांनी बाळासाहेबांचा फोटोही फाडला, ठाकरेंची शिवसेना आक्रमक; पुस्तकात नेमकं काय लिहिलंय?
चार तास वाहतूक कोंडीत रुग्णवाहिका अडकली; दीड वर्षांच्या मुलाचं जीवन
Raigad : चार तास वाहतूक कोंडीत रुग्णवाहिका अडकली; दीड वर्षांच्या मुलाचं जीवन संपलं, रायगडमधील घटनेने हळहळ
फायनान्स कंपन्यांची खुलेआम गुंडागर्दी; 22 हजारांचा हफ्ता चुकला अन्....
Latur : फायनान्स कंपन्यांची खुलेआम गुंडागर्दी; 22 हजारांचा हफ्ता चुकला, वसुलीसाठी शेतकऱ्याला शिवीगाळ
सातारा जिल्हा बँकेत भाजपला बाजूला सारत राष्ट्रवादी-शिंदेसेनेची सत्ता!
Satara Bank Election : सातारा जिल्हा बँकेत भाजपला बाजूला सारत राष्ट्रवादी-शिंदेसेनेची सत्ता!
मन शांत ठेवलं की मार्ग निघतो... बाळासाहेबांच्या एका शिकवणीचा उद्धव....
Uddhav Thackeray : मन शांत ठेवलं की मार्ग निघतो... बाळासाहेबांच्या एका शिकवणीचा उद्धव ठाकरेंनी केला उल्लेख; नेमकं काय म्हणाले?