LSG vs RCB Live Streaming : लखनौसमोर आरसीबीचं आव्हान, गतविजेता जिंकणार की पंतसेना अडवणार?
Lucknow Super Giants vs Royal Challengers Bengaluru IPL 2026 Live Scorecard: लखनौ सुपर जायंट्ससाठी रॉयल चॅलेंजर्स बंगळुरु विरुद्ध होणारा हा सामना प्रतिष्ठेचा असणार आहे.
आयपीएल स्पर्धेच्या 19 व्या मोसमातील (IPL 2026) 50 व्या सामन्यात लखनौ सुपर जायंट्स विरुद्ध रॉयल चॅलेंजर्स बंगळुरु आमनेसामने असणार आहेत. लखनौ आणि आरसीबी दोन्ही संघांचा हा या मोसमातील दहावा सामना असणार आहे. ऋषभ पंत लखनौचं नेतृत्व करणार आहे. तर रजत पाटीदार याच्याकडे आरसीबीच्या कर्णधारपदाची जबाबदारी आहे. लखनौला प्लेऑफची सर्वात कमी संधी आहे. मात्र लखनौसाठी आरसीबी विरुद्धचा सामना हा शेवटची संधी आहे. लखनौ सुपर जायंट्सने हा सामना गमावल्यास अधिकृतरित्या स्पर्धेतून पॅकअप होईल. त्यामुळे लखनौसाठी हा सामना करो या मरो तसेच आर या पार असाच आहे. त्यामुळे लखनौ या सामन्यात 2 गुण मिळवते की आरसीबी जिंकून प्लेऑफच्या दिशेने 1 पाऊल पुढे टाकते हे पाहणं महत्त्वाचं ठरणार आहे. या निमित्ताने सामन्याबाबत महत्त्वाची माहिती जाणून घेऊयात.
लखनौ सुपर जायंट्स विरुद्ध रॉयल चॅलेंजर्स बंगळुरु सामना कधी?
लखनौ सुपर जायंट्स विरुद्ध रॉयल चॅलेंजर्स बंगळुरु सामना गुरुवारी 7 फेब्रुवारीला खेळवण्यात येणार आहे.
लखनौ सुपर जायंट्स विरुद्ध रॉयल चॅलेंजर्स बंगळुरु सामना कुठे?
लखनौ सुपर जायंट्स विरुद्ध रॉयल चॅलेंजर्स बंगळुरु सामना भारतरत्न श्री अटलबिहारी वाजपेयी एकाना स्टेडियममध्ये खेळवण्यात येणार आहे.
लखनौ सुपर जायंट्स विरुद्ध रॉयल चॅलेंजर्स बंगळुरु सामन्याला किती वाजता सुरुवात होणार?
लखनौ सुपर जायंट्स विरुद्ध रॉयल चॅलेंजर्स बंगळुरु सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.
लखनौ सुपर जायंट्स विरुद्ध रॉयल चॅलेंजर्स बंगळुरु सामना टीव्ही आणि मोबाईलवर कुठे पाहायला मिळेल?
लखनौ सुपर जायंट्स विरुद्ध रॉयल चॅलेंजर्स बंगळुरु सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर जिओहॉटस्टार एपद्वारे मोबाईल, लॅपटॉप आणि स्मार्ट टीव्हीवर लाईव्ह मॅच पाहता येईल.
पॉइंट्स टेबलमधील स्थिती
ताज्या आकडेवारीनुसार, लखनौ पॉइंट्स टेबलमध्ये सर्वात शेवटी अर्थात दहाव्या स्थानी आहे. लखनौने 9 पैकी 2 सामने जिंकलेत. तर 7 गमावले आहेत. लखनौच्या खात्यात 4 गुण आहेत. तर आरसीबीने 9 पैकी 6 सामने जिंकलेत. तर गतविजेत्या संघाला 3 सामन्यांत पराभूत व्हावं लागलं आहे. आरसीबी पॉइंट्स टेबलमध्ये तिसऱ्या स्थानी विराजमान आहे.
लखनौ बदला घेणार?
दरम्यान लखनौ आणि आरसीबीची आमनेसामने येण्याची ही या मोसमातील दुसरी वेळ आहे. याआधी 15 एप्रिलला आरसीबीने लखनौवर 5 विकेट्सने विजय मिळवला होता. त्यामुळे लखनौ या पराभवाचा हिशोब करणार का? हे पाहणं महत्त्वाचं ठरणार आहे.
