IPL 2023 : शुभमन गिलच कौतुक करताना सचिन तेंडुलकर असं काय म्हणाला? ज्यामुळे खवळले RCB चे फॅन्स
IPL 2023 : कालच्या महत्त्वाच्या सामन्यात गुजरातने बँगलोरला हरवलं. त्यानंतर मास्टर ब्लास्टर सचिन तेंडुलकरने शुभमन गिलचे कौतुक केलं. त्याचं शतक आणि मुंबईचं प्लेऑफ मध्ये जाण्याचा संबंध जोडून एक ट्विट केलं. यासोबत सचिनने कोहलीचेही कौतुक केले.
मुंबई : मुंबई इंडियन्सचं आयपीएल 2023 च्या प्लेऑफ मध्ये पोहचण्याच स्वप्न जवळजवळ संपुष्टात आल होतं. पण 22 वर्षांचा शुभमन गिलनं लागोपाठ दूसरं शतक झळकवलं. त्याने विराट कोहलीच्या शतकावर पाणी फिरवलं, यासोबतच रॉयल चॅलेंजर्स बँगलोरचं प्लेऑफ मध्ये जाण्याचं स्वप्न भंगलं. रॉयल चॅलेंजर्स बँगलोरने ही मॅच जिंकली असती, तर 5 वेळेच्या विजेत्या मुंबई इंडीयन्सचा पत्ता कट झाला असता.
शुभमन गिलने खेळलेल्या शतकीय खेळीमुळे गुजरात टायटन्सने हा सामना जिंकला. यासोबतच मुंबई इंडीयन्सचा प्लेऑफ मध्ये जाण्याचा मार्ग मोकळा झाला. या सामन्यानंतर सचिन तेंडुलकरने एक ट्विट करत शुभमनचे कौतुक केले. त्यात सचिनने लिहिलं, की कॅमरुन ग्रीन आणि शुभमन गिलने मुंबई इंडियंन्ससाठी खूप चांगली बॅटिंग केली, यासोबतच सचिनने एक इमोजीही वापरला होता.
.@CameronGreen_ & @ShubmanGill batted well for @mipaltan. ?
Amazing innings by @imVkohli too to score back-to-back 100’s. They all had their methods & were in the class of their own.
So happy to see MI in the playoffs. Go Mumbai. ? #AalaRe #MumbaiMeriJaan #IPL2023 pic.twitter.com/D5iYacNEqc
— Sachin Tendulkar (@sachin_rt) May 21, 2023
एकाच दिवसात तीन सेंच्युरी
सचिन पुढं लिहितो- विराट कोहलीने खूप चांगली बॅटींग केली. लागोपाठ दुसरं शतक झळकावलं. मी आनंदी आहे की मुंबई इंडियन्स प्लेऑफमध्ये पोहचली. काल झालेल्या दोन्ही सामन्यात एकाच दिवशी 3 शतक पहायला मिळाली. पहिलं हैदराबाद विरुद्ध मुंबईकडून कॅमरून ग्रीनने तर दुसऱ्या सामन्यात बँगलोर विरुद्ध गुजरात टायटन्स सामन्यात विराट कोहली आणि शुभमन गिल यांनी शतक झळकवली. चाहत्यांना चांगलच जिव्हांरी लागलं
काल झालेले दोन्ही सामने रोमांचक ठरले. मुंबई इंडियन्स प्लेऑफ मध्ये पोहचली, तर रॉयल चॅलेंजर बँगलोरच्या चाहत्यांना यावर्षीही निराशा हाती लागली. यामुळे सचिनने केलेलं ट्विट बँगलोरच्या चाहत्यांना चांगलच जिव्हांरी लागलं. नशिबाच्या जोरावर मुंबईने यावर्षी प्लेऑफ मध्ये जागा बनवली. एका ओव्हरमध्ये सर्वात जास्त धावा करणारा फाफ डू प्लेसिस आणि तिसरा बेस्ट स्कोरर विराट कोहलीची टीम प्लेऑफ मधुन बाहेर गेली.
