Video : वर्ल्ड कपमधील निवडीबाबत मोहम्मद शमी दिलखुलासपणे बोलला, रोहित आणि द्रविडला…

टीम इंडियाचा स्टार गोलंदाज मोहम्मद शमी वर्ल्ड कपनंतर मैदानामध्ये उतरला नाही. वन डे वर्ल्ड कपमध्ये मोहम्मद शमी याने दमदार कामगिरी केली होती. सुरूवातीच्या सामन्यात शमीला संधी मिळाली नाही. पण ज्यावेळी त्याला संधी मिळाली तेव्हा त्याने दमदार कामगिरी करत टीमसाठी महत्त्वाची भूमिका बजावली. कारण वर्ल्ड कपमध्ये सर्वाधिक विकेट घेण्याचा विक्रम त्याने आपल्या नावावर केला. मोहम्मद शमीली टीममध्ये जागा मिळत नव्हती याबाबत विचारल्यावर तो काय म्हणाला जाणून घ्या.

मला आता याची सवय झाली आहे. 2015, 2019 आणि 2023 मध्येही माझी सुरूवात अशीच झाली होती. पण मला जेव्हा संधी मिळेल तेव्हा मी दमदार कामगिरी केली. त्यानंतर रोहित शर्मा आणि राहुल द्रविड यांनी मला बाहेर ठेवण्याचा विचार केला नाही. मी कायम संधी मिळाल्यावर त्यासाठी तयार असतो. त्यावेळी तुम्ही स्वत:ला सिद्ध करू शकता, नाहीतर मी पाणी देण्यासाठी मैदानात जातच असतो, असं मिश्किलपणे मोहम्मद शमी म्हणाला. CEAT क्रिकेट पुरस्कारावेळी शमी बोलत होता.

Always ready, always hungry, always on top! 🙌🏻💪🏻#MohammedShami opens up on the drive that keeps him pushing forward, even after being benched in the early stages of the World Cup! 💥

Watch the Full episode – CEAT Cricket Awards on YouTube channel pic.twitter.com/ZJOkfryXpt

— Star Sports (@StarSportsIndia) September 2, 2024

रोहित शर्मा आणि राहुल द्रविड शमीचे हे बोलणं ऐकल्यावर हसू लागले. मोहम्मद शमीने रोखठोकपणे दिलेल्या उत्तराचा व्हिडीओ सोशल मीडियावर व्हायरल होत आहे. या कार्यक्रमाला आजी-माजी खेळाडूंनी उपस्थिती लावली होती. मोहम्मद शमी टीम इंडियाचा मुख्य गोलंदाज आहे. वर्ल्ड कप झाल्यावर शमी दुखापती झाला होता, त्याच्यावर सर्जरी करण्यात आली होती. त्यामुळे टी-20 वर्ल्ड कप 2024 मध्ये शमी खेळू शकला नाही. मोहम्मद शमीच्या जागी टीम इंडियामध्ये अर्शदीप सिंह याची निवड झाली होती. अर्शदीपनेही वर्ल्डकपमध्ये संघासाठी दमदार कामगिरी करत विजयाचत मोलाची भूमिका बजावली.