RCB vs CSK IPL 2022 Prediction Playing XI IPL 2022: बँगलोरला हरवण्यासाठी चेन्नई संघात करणार दोन बदल
सीएसकेने 9 पैकी फक्त तीन मॅच जिंकल्या आहेत. मुंबई आणि हैदराबाद संघाविरुद्ध त्यांनी दोन विजय मिळवलेत. सीएसकेला पहिला विजय बँगलोर विरुद्धच मिळाला होता.
मुंबई: पुण्याच्या महाराष्ट्र क्रिकेट असोशिएशनच्या स्टेडियमवर उद्या दोन मोठ्या संघांमध्ये सामना होणार आहे. एकाबाजूला रॉयल चॅलेंजर्स बँगलोर तर दुसऱ्याबाजूला चेन्नई सुपर किंग्सचा संघ आहे. RCB चा संघ या सीजनमध्ये जास्त विजय मिळवून प्लेऑफच्या शर्यतीत आहे, तर CSK ची स्थिती खराब आहे. रवींद्र जाडेजाने (Ravindra jadeja) नेतृत्व सोडलं आहे. एमएस धोनी पुन्हा कॅप्टन झालाय. त्यामुळे संघाची स्थिती सुधारण्याची शक्यता आहे. बँगलोरने सलग सामने गमावलेत. त्यामुळे उद्याचा सामना दोन्ही संघांसाठी महत्त्वाचा आहे. उद्या दोन्ही टीम्स संघात कुठले बदल करतात? त्याची उत्सुक्ता आहे.
सीएसकेने 9 पैकी फक्त तीन मॅच जिंकल्या आहेत. मुंबई आणि हैदराबाद संघाविरुद्ध त्यांनी दोन विजय मिळवलेत. सीएसकेला पहिला विजय बँगलोर विरुद्धच मिळाला होता. बँगलोरच्या तुलनेत चेन्नईच्या संघाला सध्या सूर गवसला आहे.
बँगलोर बदल करण्याची शक्यता कमी
बँगलोरच्या टीमने या सीजनमध्ये जास्त बदल केलेले नाहीत. मागच्या तीन सामन्यात आरसीबीने खराब कामगिरी केलीय. पण तरीही बदल होण्याची शक्यता कमी आहे. संघाचा सूर हरवलेला आहे. गुजरात टायटन्स विरुद्धच्या मागच्या सामन्यात विराट कोहली फॉर्मध्ये दिसला होता. रजत पाटीदार आणि महिपाल लोमरोडने आपली निवड योग्य ठरवली होती.
ड्वेन ब्राव्हो आणि शिवम दुबे मागच्या सामन्यात दुखापतीमुळे खेळले नव्हते. उद्याच्या सामन्यात ते खेळतील. मिचेल सँटनर आणि समरजीत सिंहला बाहेर बसवलं जाईल.
बँगलोरची Playing 11 – फाफ डू प्लेसी (कॅप्टन), विराट कोहली, रजत पाटीदार, ग्लेन मॅक्सवेल, माहिपाल लोमरोड, दिनेश कार्तिक, शाहबाज अहमद, वानिंदु हसरंगा, हर्षल पटेल, जोश हेझलवूड आणि मोहम्मद सिराज
सीएसकेची Playing 11 – एमएस धोनी (कॅप्टन), ऋतुराज गायकवाड, डेवन कॉनवे, रॉबिन उथाप्पा, अंबाती रायुडू, शिवम दुबे, रवींद्र जाडेजा, ड्वेन प्रिटोरियस, ड्वेन ब्राव्हो, मुकेश चौधरी आणि महीश तीक्ष्णा,
