SA vs IND : टीम इंडियाची दक्षिण आफ्रिकेविरुद्ध पहिल्या टी 20I सामन्यात बॅटिंग, प्लेइंग ईलेव्हनमध्ये कोण?
South Africa Women vs India Women, 1st T20I Toss : यजमान दक्षिण आफ्रिकेने टॉस जिंकून पाहुण्या टीम इंडियाला बॅटिंगची संधी दिली आहे. टीम इंडियाची महिला ब्रिगेड या सामन्यात किती धावांपर्यंत मजल मारते याकडे चाहत्यांचं लक्ष असणार आहे.
वुमन्स टीम इंडिया हरमनप्रीत कौर हीच्या नेतृत्वात दक्षिण आफ्रिका दौऱ्यावर (India Womens Tour Of South Africa 2026) आहे. टीम इंडिया या दौऱ्यात दक्षिण आफ्रिकेविरुद्ध 5 सामन्यांची टी 20I मालिका खेळणार आहे. या मालिकेतील पहिला सामना आज 17 एप्रलिला डरबनमधील किंग्समीडमध्ये आयोजित करण्यात आला आहे. सामन्याला भारतीय वेळेनुसार रात्री 9 वाजून 30 मिनिटांनी सुरुवात होणार आहे. त्याआधी 9 वाजता टॉस झाला. दक्षिण आफ्रिकेच्या बाजूने टॉसचा कॉल लागला. दक्षिण आफ्रिकेची कॅप्टन लॉरा वोल्वार्ड्ट हीने फिल्डिंगचा निर्णय घेत टीम इंडियाला बॅटिंगसाठी बोलावलं आहे.
काश्वी गौतमचं टी 20i पदार्पण
या मालिकेसाठी 15 सदस्यीय भारतीय संघाची घोषणा करण्यात आली आहे. त्यापैकी क्रांती गौड, अनुष्का शर्मा, उमा चेत्री आणि भारती फुलमाळी या चौघींना प्लेइंग ईलेव्हनमध्ये संधी देण्यात आलेली नाही. तर एकीचं टी 20i पदार्पण झालं आहे. टीम मॅनेजमेंटने काश्वी गौतम हीला पदार्पणाची संधी दिली आहे. काश्वीला सामन्याआधी भारतीय संघाची कर्णधार हरमनप्रीत कौर हीने कॅप देऊन स्वागत केलं आणि शुभेच्छा दिल्या.
काश्वी गौतम बॉलिंग ऑलराउंडर आहे. काश्वी याआधी टीम इंडियासाठी कसोटी आणि एकदिवसीय क्रिकेटमध्ये खेळली आहे. काश्वीने टीम इंडियाचं 1 कसोटी आणि 6 एकदिवसीय सामन्यांमध्ये प्रतिनिधित्व केलं आहे. त्यामुळे काश्वी टी 20i पदार्पणात कशी कामगिरी करते याकडे टीम मॅनेजमेंटचं लक्ष असणार आहे.
सलामी जोडीकडून भक्कम सुरुवातीची आशा
दरम्यान दक्षिण आफ्रिकेने बॅटिंगसाठी भाग पाडलं असल्याने टीम इंडियाच्या सलामी जोडीसमोर चांगली सुरुवात मिळून देण्याचं आव्हान असणार आहे. उपकर्णधार स्मृती मंधाना आणि शफाली वर्मा या दोघी ओपनिंग करतात. या दोघींकडून चाहत्यांना वादळी सुरुवातीची आशा असणार आहे.
डरबमनमध्ये टीम इंडियाच्या महिला ब्रिगेडची बॅटिंग
🚨 Toss 🚨
South Africa have won the toss and elected to bowl first in the 1⃣st T20I.
Updates ▶️ https://t.co/gQymmRhJci#TeamIndia | #SAvIND pic.twitter.com/XdJ7u3norK
— BCCI Women (@BCCIWomen) April 17, 2026
वुमन्स टीम इंडिया प्लेइंग ईलेव्हन : स्मृती मंधाना, शफाली वर्मा, जेमिमाह रॉड्रिग्स, हरमनप्रीत कौर (कॅप्टन), ऋचा घोष (विकेटकीपर), दीप्ती शर्मा, अरुंधती रेड्डी, काशवी गौतम, श्रेयांका पाटील, रेणुका सिंग ठाकूर आणि श्री चरणी.
दक्षिण आफ्रिका वुमन्स प्लेइंग ईलेव्हन : तझमिन ब्रिट्स, सुने लुस, लॉरा वोल्वार्ड (कॅप्टन), ॲनेरी डेर्कसेन, ॲनेके बॉश, क्लो ट्रायॉन, नादीन डी क्लर्क, सिनालो जाफ्ता (विकेटकीपर), अयाबोंगा खाका, तुमी सेखुखुने आणि नॉनकुलुलेको मलाबा.
