Test Cricket : 2 सामन्यांसाठी टीम जाहीर, चेन्नईच्या खेळाडूला संधी
Test Series : निवड समितीने आगामी कसोटी मालिकेसाठी 16 सदस्यीय संघाची घोषणा केली आहे. या 16 खेळाडूंमध्ये चेन्नई सुपर किंग्सकडून खेळणाऱ्या एकाचा समावेश आहे.
आयपीएल 18 व्या मोसमानंतर आता पुढील काही आठवडे कसोटी क्रिकेटचा थरार अनुभवायला मिळणार आहे. दक्षिण आफ्रिका विरुद्ध ऑस्ट्रेलिया यांच्यात 11 जूनपासून लॉर्ड्स क्रिकेट ग्राउंड येथे वर्ल्ड टेस्ट चॅम्पियनशीप महामुकाबला खेळवण्यात येणार आहे. तर 20 जूनपासून टीम इंडियाच्या इंग्लंड दौऱ्याला सुरुवात होणार आहे. टीम इंडिया इंग्लंड विरुद्ध 5 कसोटी मालिका खेळणार आहे. तर दक्षिण आफ्रिका वर्ल्ड टेस्ट चॅम्पियनशीप फायनलनंतर झिंबाब्वे दौऱ्यावर जाणार आहे. दक्षिण आफ्रिका या दौऱ्यात झिंबाब्वे विरुद्ध एकूण 2 कसोटी सामने खेळणार आहे. या 2 सामन्यांसाठी दक्षिण आफ्रिकेने संघ जाहीर केला आहे.
झिंबाब्वे विरुद्ध दक्षिण आफ्रिका यांच्यात 28 जून ते 10 जुलै दरम्यान कसोटी मालिकेचा थरार रंगणार आहे. हे दोन्ही सामने एकाच मैदानात खेळवण्यात येणार आहेत. दक्षिण आफ्रिकेच्या निवड समितीने या मालिकेसाठी 16 खेळाडूंची निवड करण्यात आली आहे. यामध्ये आयपीएलच्या 18 व्या मोसमात चेन्नई सुपर किंग्सकडून खेळणाऱ्या युवा आणि विस्फोटक फलंदाज डेवाल्ड ब्रेव्हीस याची निवड करण्यात आली आहे. या मालिकेसाठी एकूण 5 युवा खेळाडूंना पहिल्यांदाच संधी देण्यात आली आहे. तर या दौऱ्यासाठी अनुभवी खेळाडूंना विश्रांती देण्यात आली आहे.
प्रमुख खेळाडूंना विश्रांती, युवांना संधी
टेम्बा बावुमा दक्षिण आफ्रिकेचं नेतृत्व करणार आहे. तर कगिसो रबाडा, एडन मार्करम, मार्को यान्सेन, रायन रिकेल्टन आणि ट्रिस्टन स्टब्स या अनुभवी खेळाडूंना विश्रांती देण्यात आली आहे. तर त्यांच्या जागी ल्हुआन-द्रे प्रिटोरियस, लेसेगो सेनोकवाने, कोडी युसुफ, डेवाल्ड ब्रेविस आणि प्रिनेलन सुब्रेन यांना संधी देण्यात आली आहे. या खेळाडूंचं अद्याप कसोटी पदार्पण झालेलं नाही.
2 सामने आणि 16 खेळाडू
Plenty of fresh faces in South Africa’s squad to take on Zimbabwe in a two-Test series after the #WTC25 Final 👀
— ICC (@ICC) June 6, 2025
कसोटी मालिकेचं वेळापत्रक
- पहिला सामना, 28 जून ते 2 जुलै, क्विन्स स्पोर्ट्स क्लब, बुलावायो
- दुसरा सामना, 6 ते 10 जुलै, क्विन्स स्पोर्ट्स क्लब, बुलावायो
कसोटी मालिकेसाठी दक्षिण आफ्रिका टीम : टेम्बा बावुमा (कॅप्टन), डेव्हिड बेडिंगहॅम, मॅथ्यू ब्रेट्झके, डेवाल्ड ब्रेविस, कॉर्बिन बॉश, टोनी डी झोर्झी, झुबेर हमझा, केशव महाराज, क्वेना माफाका, विआन मुल्डर, लुंगी एनगिडी, ल्हुआन-द्रे प्रिटोरियस, लेसेगो सेनोकवाने, प्रिनेलन सुब्रेन, कायल वेरेन आणि कोडी युसुफ.
