SRH vs LSG IPL 2023 : SRH ने जिंकला टॉस, काय घेतला निर्णय?
SRH vs LSG IPL 2023 : सनरायजर्स हैदराबादला स्पर्धेतील आव्हान टिकवून ठेवण्यासाठी मोठा विजय मिळवावा लागेल. हैदराबादची टीम लीगच्या बाहेर होण्याच्या उंबरठ्यावर उभी आहे.
हैदराबाद : सनरायजर्स हैदराबाद आणि लखनौ सुपर जायंट्समध्ये सामना होणार आहे. हैदराबादच्या राजीव गांधी इंटरनॅशनल स्टेडियममध्ये ही मॅच होईल. SRH ने टॉस जिंकला आहे. त्यांनी पहिली बॅटिंग करण्याचा निर्णय घेतलाय. हैदराबादची टीम लीगच्या बाहेर होण्याच्या उंबरठ्यावर उभी आहे. त्यांना मोठ्या फरकाने विजय मिळवावा लागेल. दुसऱ्या बाजूला लखनौची टीम अजूनही प्लेऑफच्या शर्यतीत आहे. त्यांना टॉप 4 मध्ये येण्यासाठी हैदराबादला हरवाव लागेल.
SRH ने आतापर्यत 10 सामने खेळले असून त्यांनी चार मॅचमध्ये विजय मिळवलाय. अलीकडेच SRH टीमने राजस्थान रॉयल्सवर चार विकेटने विजय मिळवला होता. शेवटच्या चेंडूवर त्यांनी 215 धावांच टार्गेट चेस केलं होतं.
लखनौने 5 सामने जिंकलेत
लखनौ सुपर जायंट्सचा मागच्या सामन्यात गुजरात टायटन्सने 56 धावांनी पराभव केला होता. गुजरातने पहिली बॅटिंग करताना 227 धावांचा डोंगर उभारला. लखनौच्या टीमला 171 धावापर्यंत मजला मारता आली होती. लखनौ सुपर जायंट्सने 11 पैकी 5 सामने जिंकले आहेत.
दोन्हीवेळा सुपर जायंट्स सरस
एसआरच आणि एलएसजीमध्ये आतापर्यंत आयपीएलमध्ये दोन सामने झाले आहेत. दोन्हीवेळा सुपर जायंट्सने विजय मिळवलाय. लखनौ सुपर जायंट्सला सुद्धा प्लेऑफमध्ये स्थान मिळवण्यासाठी विजय आवश्यक आहे. त्यामुळे दोन्ही टीम्ससाटी उद्याची मॅच महत्वाची असेल. SRH ची संभाव्य प्लेइंग इलेव्हन
राहुल त्रिपाठी, अब्दुल समद, विवरांत शर्मा, एडन मार्कराम (कॅप्टन), अभिषेक शर्मा, एम जॅनसेन, ग्लेन फिलिप्स, एच क्लासेन, भुवनेश्वर कुमार, टी नटराजन, एस मार्केडें
लखनौ सुपर जायंट्स संभाव्य प्लेइंग इलेव्हन
मार्कस स्टॉयनिस, वायएस ठाकूर, काइल मेयर्स, दीपक हुड्डा, क्रृणाल पंड्या (कॅप्टन), स्वप्निल सिंह, निकोलस पूरन, क्विंटन डिकॉक (विकेटकीपर), आवेश खान, रवी बिश्नोई, मोहसीन खान
