AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

IND vs ENG : उपांत्य फेरीतही विराट कोहलीचा फुसका बार, महत्त्वाच्या सामन्यात पुन्हा तीच चूक केली

टी20 वर्ल्डकप स्पर्धेतील उपांत्य फेरीचा सामना भारत आणि इंग्लंड यांच्यात सुरु आहे. पावसाच्या व्यत्ययामुळे सामना सुरु होण्यास विलंब झाला. नाणेफेकीचा कौल जिंकून इंग्लंडने गोलंदाजी घेतली. विराट कोहलीकडून बऱ्याच अपेक्षा होत्या मात्र त्याचा भंग झाला आहे.

IND vs ENG : उपांत्य फेरीतही विराट कोहलीचा फुसका बार, महत्त्वाच्या सामन्यात पुन्हा तीच चूक केली
| Updated on: Jun 27, 2024 | 9:49 PM
Share

टी20 वर्ल्डकप स्पर्धेत उपांत्य फेरीसाठी भारत आणि इंग्लंड आमनेसामने आहेत. या सामन्यात नाणेफेकीचा कौल इंग्लंडच्या बाजूने लागला आणि प्रथम गोलंदाजी घेतली. या सामन्यात तरी विराट कोहलीची बॅट तळपेल अशी क्रीडारसिकांना अपेक्षा होती. मात्र तसं काही झालं नाही. या खेळपट्टीवर बाउंस कमी होत असल्याने विराट कोहली चाचपडताना दिसला. चेंडू बॅटवर व्यवस्थित येत नसल्याचं पाहून इंग्लंडचे गोलंदाजही हावी झाले. विराट कोहली फटके मारताना अनेकदा चुकला. त्यामुळे प्रत्येक चेंडू सुटताना क्रीडाप्रेमींची धाकधूक वाढत होती. अखेर नको तेच झालं. रीसी टोपलेच्या गोलंदाजीवर त्रिफळाचीत होत तंबूत परतला. त्यामुळे विराट कोहलीचा फॉर्म नसल्याचं पुन्हा एकदा अधोरेखित झालं आहे. असं असूनही विराट कोहलीला वारंवार प्लेइंग 11 मध्ये संधी दिली जात असल्याने क्रीडाप्रेमींनी संताप व्यक्त केला आहे. विराट कोहलीच्या अनुभवाचा टीम इंडियाला कुठेच फायदा होताना दिसत नाही. उपांत्य फेरीपर्यंतच्या सर्व सामन्यात फेल ठरल्याचं दिसून आलं.

नॉन स्ट्राईकला उभ्या असलेल्या विराट कोहलीला पहिल्या षटकाच्या चौथ्या चेंडूवर स्ट्राईक मिळाली. दोन चेंडू निर्धाव गेल्यानंतर सहाव्या चेंडूवर त्याने एक धाव घेतली. दुसरं षटक जोफ्रा आर्चर टाकण्यासाठी आला. त्याचा पहिला चेंडू विराट कोहलीने निर्धाव घालवला. त्यानंतर एक धाव घेत रोहितला स्ट्राईकला दिली. पुढचे चार चेंडू रोहित शर्मा खेळला आणि तिसऱ्या षटकासाठी विराटला स्ट्राईक मिळाली.

रिसी टोपले तिसरं षटक टाकण्यासाठी आला. तिसऱ्या षटकाच्या पहिल्या चेंडूवर विराट कोहली चाचपडला. त्यानंतर दुसऱ्या चेंडूवर षटकार ठोकला. मग दोन धावा आल्या. पण चौथ्या चेंडूवर नको तेच झालं. विराट कोहली क्लिन बोल्ड होत तंबूत परतला. विराट कोहलीने 9 चेंडूत एका षटकाराच्या मदतीने 9 धावा केल्या. पुन्हा एकदा विराट कोहली एकेरी धावसंख्या करून तंबूत परतला आहे. त्यामुळे क्रीडाप्रेमी नाराज झाले आहेत.

दोन्ही संघांची प्लेइंग 11

भारत (प्लेइंग इलेव्हन): रोहित शर्मा (कर्णधार), विराट कोहली, ऋषभ पंत (विकेटकीपर), सूर्यकुमार यादव, शिवम दुबे, हार्दिक पांड्या, रवींद्र जडेजा, अक्षर पटेल, कुलदीप यादव, अर्शदीप सिंग, जसप्रीत बुमराह.

इंग्लंड (प्लेइंग इलेव्हन): फिलिप सॉल्ट, जोस बटलर (विकेटकीपर/कर्णधार), जॉनी बेअरस्टो, हॅरी ब्रूक, मोईन अली, लियाम लिव्हिंगस्टोन, सॅम करन, ख्रिस जॉर्डन, जोफ्रा आर्चर, आदिल रशीद, रीस टोपले.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी