IND vs AUS : भारत विरुद्ध ऑस्ट्रेलिया वनडे मालिकेसाठी संघाची घोषणा, या दिग्गज खेळाडूला दाखवला बाहेरचा रस्ता
IND vs BAN : ऑस्ट्रेलिया विरुद्ध भारत मालिकेकडे वनडे वर्ल्डकप स्पर्धेपूर्वीची रंगीत तालिम म्हणून पाहिलं जात आहे. या मालिकेसाठी संघाची घोषणा करण्यात आली. एका दिग्गज खेळाडूला बाहेरचा रस्ता दाखवण्यात आला आहे.
मुंबई : वनडे वर्ल्डकप स्पर्धेपूर्वी भारत आणि ऑस्ट्रेलिया संघात तीन सामन्यांची वनडे मालिका खेळली जाणार आहे. वनडे वर्ल्डकपच्या दृष्टीकोनातून दोन्ही संघांसाठी ही मालिका महत्त्वाची आहे. यासाठी ऑस्ट्रेलियाने 18 सदस्यीस संघाची घोषणा केली आहे. यात एक आश्चर्याचा धक्का देणारं नाव सहभागी करण्यात आलं आहे. मार्नस लाबुशेन याला भारताविरुद्धच्या वनडे मालिकेसाठी संघात स्थान दिलं गेलं आहे. ऑस्ट्रेलियाचा मॅच विनर खेळाडू फिट होत संघात परतला आहे. यात पॅट कमिन्स, स्टीव स्मिथ,मिचेल स्टार्क, ग्लेन मॅक्सवेल यांचाही सहभाग आहे. कॅमरून ग्रीनही फीट होत संघात परतला आहे. दुसरीकडे, आशिया कप स्पर्धेत भारत आणि श्रीलंका यांच्यात अंतिम फेरीचा सामना होत आहे. आशिया चषकानंतर टीम इंडियाची घोषणा होईल. वनडे वर्ल्डकपच्या दृष्टीकोनातून संघात फरक दिसेल असं वाटत नाही.
ट्रेव्हिस हेडला दाखवला बाहेरचा रस्ता
ऑस्ट्रेलियाचा डावखुरा आक्रमक फलंदाज ट्रेव्हिस हेड याला वनडे मालिकेतून बाहेरचा रस्ता दाखवण्यात आला आहे. दक्षिण आफ्रिकेविरुद्धच्या वनडे मालिकेदरम्यान हाताला दुखापत झाली होती. हेडच्या हाताला फ्रॅक्चर असल्याने वर्ल्डकपमध्ये खेळणंही कठीण आहे. त्याच्याऐवजी संघात मार्नस लाबुशेन याला संधी देण्यात आला आहे. लाबुशेन वनडे वर्ल्डकप स्पर्धेत खेळताना दिसेल, असंही सांगण्यात येत आहे.
भारत विरुद्ध ऑस्ट्रेलिया वनडे मालिका
भारत आणि ऑस्ट्रेलिया यांच्यात 22 सप्टेंबरपासून वनडे मालिका सुरु होणार आहे. पहिला सामना मोहालीमध्ये खेळला जाणार आहे. इंदुरच्या होलकर मैदाात 24 सप्टेंबरला दुसरा सामना खेळला जाणार आहे. तिसरा सामना 27 सप्टेंबरला सौराष्ट्र येथे होणार आहे. दुसरीकडे, याच वर्षी मार्च महिन्यात भारत आणि ऑस्ट्रेलिया यांच्यात वनडे मालिका खेळली गेली होती. या मालिकेत ऑस्ट्रेलियाने टीम इंडियाला 2-1 पराभूत केलं होतं. आता या पराभवाचा वचपा काढण्याची संधी आहे. दुसरीकडे भारताचा वनडे वर्ल्डकप स्पर्धेतील पहिला सामना ऑस्ट्रेलिया विरुद्ध आहे. हा सामना 8 ऑक्टोबरला होणार आहे.
वनडे सीरिजसाठी ऑस्ट्रेलियाचा संघ : पॅट कमिन्स, स्टीव्ह स्मिथ, डेव्हिड वॉर्नर, मार्नस लाबुशेन, एलेक्स कॅरी, शॉन एब, नाथ एलिस, कॅमरून ग्रीन, जोश हेझलवूड, जॉश इंग्लिस, स्पेंसर जॉनसन, मिचेल मार्श, ग्लेन मॅक्सवेल, तनवीर संघा, मॅथ्यू शॉर्ट, मिचेल स्टार्क, मार्कस स्टोयनिस, ॲडम जंपा.
