ENG vs NZ : न्यूझीलंडला मोठा धक्का, केन विल्यमसन इंग्लंडविरुद्धच्या दुसऱ्या कसोटीतून बाहेर, काय आहे कारण, जाणून घ्या…

नवी दिल्ली : नॉटिंगहॅममध्ये इंग्लंडविरुद्धच्या (ENG vs NZ) दुसऱ्या कसोटीच्या आघीत एक मोठी बातमी समोर आली आहे. यामुळे न्यूझीलंडला (NZ) मोठा धक्का बसला आहे. न्यूझीलंडचा कर्णधार केन विल्यमसन कोरोनामुळे (Corona) दुसऱ्या कसोटीतून बाहेर पडला आहे. खराब फॉर्ममध्ये असलेल्या केन विल्यमसनची (Kane Williamson) कोविड चाचणी पॉझिटिव्ह आली आहे. प्रशिक्षक गॅरी स्टीड म्हणालंय की, विल्यमसननं 5 दिवसांचं क्वारंटाईन सुरू केलं आहे. यामध्ये एक दिलासादायक बातमी म्हणजे संघातील इतर खेळाडूंची कोरोना चाचणी ही निगेटिव्ह आली आहे. यामुळे काही अंशी इंग्लडचे संकटाचे ढग गडद झाले असले तरी न्यूझीलंडचं टेन्शन मात्र कायम आहे. त्यामुळे न्यूझीलंडला मात्र मोठा फटका बसला आहे.

 ऐनवेळी मोठा धक्का

प्रशिक्षक गॅरी स्टीड म्हणाले की, ‘एवढ्या महत्त्वाच्या सामन्याच्या पूर्वसंध्येला केनला बाहेर जाण्यास भाग पाडलं आहे. कोरोना झाल्यामुळे त्याला आमच्यासोबत खेळता येत नाही. ही खूप खेदाची गोष्ट आहे. या क्षणी आम्हा सर्वांना त्याच्याबद्दल वाईट वाटत आहे. कोरोना झाल्यानं त्याला आमच्यासोबत खेळता येत नाहीये. यामुळे तो निराशही झाला असले. मात्र, तो लवकर बरा व्हावा, अशी आशा आहे, असं स्टीड म्हणालेत. विल्यमसनला कोरोनाची काही लक्षण दिसल्यानंतर त्यानं कोरोना चाचणी केली. तर इतर सर्व खेळाडूंची आरटीपीआर टेस्ट करण्यात आली. इतर सर्व खेळाडू निगेटिव्ह आले आहेत.

आणखी एका खेळाडूची उणीव

विल्यमसन कोरोनामुळे संघाबाहेर आहे. यामुळे त्याच्या संघात नसल्यानं न्यूझीलंडच्या 3 सामन्यांच्या कसोटी मालिकेत पुनरागमन करण्याच्या संधींना मोठा धक्का बसणार आहे. जागतिक कसोटी चॅम्पियन, या आठवड्याच्या सुरुवातीला लॉर्ड्स येथे सलामीचा सामना गमावला होता. या मालिकेतील ही पहिलीच कसोटी होती जिथे जो रूटने चौथ्या डावात सनसनाटी शतक झळकावून इंग्लंडला 277 धावांचे आव्हान दिले. आयपीएलपासूनच खराब फॉर्मशी झुंज देत असलेल्या विल्यमसनला कसोटी मालिकेतील पहिल्या सामन्यातही संघर्ष करावा लागला आणि त्याने दोन डावांत केवळ 17 धावा केल्या. उल्लेखनीय म्हणजे, कर्णधार कोपराच्या दुखापतीमुळे कसोटी क्रिकेट खेळून परतत होता. दुखापतीमुळे तो बराच काळ बाहेर राहिला. न्यूझीलंडला कॉलिन डी ग्रँडहोमचीही उणीव भासणार आहे कारण तो अष्टपैलू खेळाडूही पहिल्या कसोटीदरम्यान पायाच्या दुखापतीमुळे मालिकेतून बाहेर पडला आहे. त्याच्या जागी मिचेल ब्रेसवेलचा संघात समावेश करण्यात आला आहे.