AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

कर्णधार रोहित शर्माचा वनडे क्रिकेटचा अंतिम सामना! क्रिकेटला ठोकणार रामराम?

कर्णधार रोहित शर्मा याने टी20 क्रिकेटला वर्ल्डकपनंतर रामराम ठोकला होता. त्यामुळे आता वनडे क्रिकेट कारकिर्दिचा शेवट झाल्याचं बोललं जात आहे. टीम इंडियाने चॅम्पियन्स ट्रॉफी स्पर्धेची अंतिम फेरी गाठली आहे. या सामन्यानंतर रोहित शर्माच्या वनडे क्रिकेट कारकि‍र्दीला ब्रेक लागल्याची चर्चा आहे. विजयानंतर रोहित शर्मा आता निवृत्ती घेईल अशी चर्चा आहे.

कर्णधार रोहित शर्माचा वनडे क्रिकेटचा अंतिम सामना! क्रिकेटला ठोकणार रामराम?
Image Credit source: BCCI
| Updated on: Mar 04, 2025 | 11:17 PM
Share

चॅम्पियन्स ट्रॉफी 2025 स्पर्धा ही रोहित शर्माच्या वनडे क्रिकेट कारकिर्दीतील शेवटची स्पर्धा असल्याची चर्चा गेल्या काही दिवसांपासून रंगली आहे. चॅम्पियन्स ट्रॉफीत रोहित शर्माच्या नेतृत्त्वात टीम इंडियाने चांगली कामगिरी केली. साखळी फेरीत एकही सामना न गमावता उपांत्य फेरीत मजल मारली. तर उपांत्य फेरीत ऑस्ट्रेलियाचा 4 गडी राखून पराभव केला. ऑस्ट्रेलियाने 50 षटकात विजयासाठी 265 धावांचं आव्हान ठेवलं होतं. हे आव्हान भारताने  4 गडी आणि 11 चेंडू राखून गाठला. या सामन्यात रोहित शर्माने 28 धावांची खेळी केली. रोहित शर्माकडून अंतिम फेरीत चांगल्या खेळीची अपेक्षा आहे. रोहित शर्मा आता 38 वर्षांचा आहे. टी20 फॉर्मेटमधून त्याने वर्ल्डकप विजयानंतर निवृत्त झाल्याचं जाहीर केलं होतं. त्यामुळे चॅम्पियन्स ट्रॉफी त्याच्या वनडे क्रिकेट कारकि‍र्दीची शेवटची स्पर्धा असेल अशी चर्चा आहे. रोहित शर्माने याबाबत काही स्पष्ट केलं नाही. पण बीसीसीआय रोहित शर्माला पुढे संधी देईल की नाही याबाबत शंका आहे. कारण यानंतर वनडे फॉर्मेटमध्ये 2027 मध्ये वर्ल्डकप होणार आहे. यासाठी नव्याने टीम बांधण्याचं बीसीसीआयसमोर आव्हान आहे. त्यामुळे रोहित शर्मा वनडे वर्ल्डकप 2027 स्पर्धेत खेळणं कठीण आहे.

रोहित शर्मा त्याचा वनडे क्रिकेट कारकिर्दितील शेवटचा सामना खेळेल असंच म्हणावं लागेल. अंतिम सामन्यात न्यूझीलंड किंवा दक्षिण अफ्रिकेशी लढत होणार आहे. त्यानंतर पुढे दोन महिने आयपीएलचा थरार रंगणार आहे. त्यानंतर भारतीय संघ इंग्लंड दौऱ्यावर कसोटी मालिकेसाठी जाणार आहे. या दौऱ्यात रोहित शर्माकडे कर्णधारपद असण्याची शक्यता खूपच कमी आहे. कसोटी क्रिकेटचं कर्णधारपद जसप्रीत बुमराहकडे जाईल अशीही क्रीडावर्तुळात चर्चा आहे. दुसरीकडे, वनडे क्रिकेटचं यानंतर कोणतंच शेड्युल दिसत नाही. त्यामुळे रोहित शर्मा त्याच्या वनडे क्रिकेट कारकि‍र्दीचा शेवटचा सामना खेळला असं बोललं जात आहे.

रोहित शर्माच्या नेतृत्वात टीम इंडियाने वनडे क्रिकेटमध्ये दोन आशिया कप जिंकले आहेत. वनडे वर्ल्डकप 2023 विजयाच्या वेशीवर संघ होता. पण अंतिम फेरीत टीम इंडियाला ऑस्ट्रेलियाकडून पराभूत व्हावं लागलं. चॅम्पियन्स ट्रॉफीच्या उपांत्य फेरीपर्यंत रोहित शर्माने 55 सामन्यात नेतृत्व केलं आहे. यात 41 सामन्यात विजय मिळवला आहे. रोहित शर्माच्या नेतृत्वात टीम इंडियाची विजयी टक्केवारी ही 74.07 इतकी आहे.

Follow Us
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!