IND vs BAN Final : इंडिया विरुद्ध बांगलादेश महाअंतिम सामना, पंत-हार्दिककडे साऱ्यांचं लक्ष
India vs Bangladsh U 19 Asia Cup Final 2024 Live Streaming : आशिया चॅम्पियन होण्यासाठी रविवारी टीम इंडिया विरुद्ध बांगलादेश यांच्यात महाअंतिम सामना खेळवण्यात येणार आहे. जाणून घ्या सर्वकाही.
अंडर 19 आशिया कप स्पर्धेत साखळी फेरीनंतर उपांत्य फेरीतील सामने पार पडले आहेत. आता आशिया कप ट्रॉफी कोण उंचावणार याकडे साऱ्यांचं लक्ष लागून आहे. गतविजेता बांगलादेश आणि टीम इंडिया अंतिम सामन्यात आमनेसामने असणार आहे. बांगलादेशची अंतिम फेरीत पोहचण्याची ही सलग दुसरी वेळ आहे. बांगलादेशने गेल्या वेळेस यूएईला अंतिम फेरीत पराभूत करत आशिया कप जिंकला होता. तर उपांत्य फेरीत भारताचा पराभव केला होता. त्यामुळे टीम इंडियाकडे यंदा उपांत्य फेरीतील पराभवाचा वचपा घेत बांगलादेशला सलग दुसऱ्यांदा आशिया कप जिंकण्यापासून रोखण्याची संधी आहे.
टीम इंडियाने उपांत्य फेरीत श्रीलंकेला लोळवत फायनलमध्ये धडक मारली. तर बांगलादेशने पाकिस्तानला पराभूत करत अंतिम फेरीत प्रवेश मिळवला. आता या दोन्ही संघाच्या सामन्याकडे साऱ्यांचं लक्ष लागून आहे. मोहम्मद अजीजुल हकीम तमीम हा बांगलादेशचं नेतृत्व करणार आहे. तर मोहम्मद अमान याच्याकडे भारतीय संघाची धुरा आहे.
उभयसंघातील अंतिम सामन्याला रविवारी 8 डिसेंबरला सकाळी 10 वाजून 30 मिनिटांनी सुरुवात होणार आहे. त्याआधी 10 वाजता टॉस होणार आहे. हा सामना टीव्हीवर सोनी स्पोर्ट्स नेटवर्कवरील चॅनेलवर पाहायला मिळेल. तर सोनी लिव्ह एपवरुन हा सामना लाईव्ह पाहता येईल.
कोण होणार आशिया चॅम्पियन?
2️⃣ teams, 1️⃣ trophy 𝙄𝙩 𝙖𝙡𝙡 𝙘𝙤𝙢𝙚𝙨 𝙙𝙤𝙬𝙣 𝙩𝙤 𝙩𝙝𝙞𝙨.
After 7 thrilling days of non-stop cricket, the moment of truth has finally arrived! Welcome to the finals of the #ACCMensU19AsiaCup 2024 edition! 🏆
𝕃𝕖𝕥 𝕥𝕙𝕖 𝕒𝕔𝕥𝕚𝕠𝕟 𝕓𝕖𝕘𝕚𝕟! ⚔️#ACC pic.twitter.com/EJtJW3BjBb
— AsianCricketCouncil (@ACCMedia1) December 7, 2024
बांग्लादेश अंडर 19 टीम : मोहम्मद अजीजुल हकीम तमीम (कॅप्टन), मोहम्मद फरीद हसन फैसल (विकेटकीपर), जवाद अबरार, कलाम सिद्दीकी अलीन, मोहम्मद शिहाब जेम्स, देबाशीष सरकार देबा, मोहम्मद रफी उज्जमान रफी, मोहम्मद समियुन बसीर रतुल, मारुफ मृधा, अल फहद, इकबाल हुसैन इमोन, एमडी रिजान हुसैन, अशरफुज्जमां बोरेनो, एमडी रिफत बेग आणि साद इस्लाम रजीन.
अंडर 19 टीम इंडिया : मोहम्मद अमान (कर्णधार), हरवंश सिंह (विकेटकीपर), आयुष म्हात्रे, वैभव सूर्यवंशी, आंद्रे सिद्दार्थ सी, केपी कार्तिकेय, निखिल कुमार, किरण चोरमाले, हार्दिक राज, चेतन शर्मा, युद्धजीत गुहा, अनुराग कवाडे, समर्थ नागराज, मोहम्मद एनान आणि प्रणव पंत.
