Vaibhav Suryawanshi: ‘वैभव’ टिकवण्यासाठी सूर्यवंशीला तो सर्वात मोठा इशारा; या कंपन्यांपासून सावध राहण्याचा सल्ला, प्रकरण तरी काय?

Vaibhav Suryawanshi Big Update: राजस्थान रॉयल्सचा स्फोटक फलंदाज वैभव सूर्यवंशी सध्या चर्चेत आहे. काल त्याला भोपळ्यावर आऊट व्हावे लागले असले तरी त्याने त्यापूर्वीच्या सामन्यांमध्ये गोलंदाजांची दाणादाण उडवून दिली. जसप्रीत बुमराह याच्या पहिल्याच चेंडूवर त्याने षटकार चोपला होता. त्याच्या स्फोटक फलंदाजीची मोठी चर्चा सुरू आहे. त्याला लवकरच टीम इंडियातही संधी मिळण्याची शक्यता वर्तवली जात आहे. पण त्याचवेळी न्यूझीलंडचा माजी वेगवान गोलंदाज सायमन डूल यांनी त्याला मोठी चेतावणी दिली आहे.

मॅनेजमेंट कंपन्यांपासून दूर राहा

सायमन डूल याने मोठा सल्ला दिला आहे. वैभव याची कामगिरी संपूर्ण जग पाहत आहे. पण त्याने मॅनेजमेंट कंपन्यांपासून सावध राहावे. कारण कंपन्या त्याच्या कामगिरीचा फायदा उठवण्याची शक्यता आहे. क्रिकबजवर डूल यांनी सांगितले की, वैभव हा सुपरस्टार आहे. तो जर याच दमाने खेळला तर लवकरच तो सुपरस्टार होईल. खासकरून व्हाईट बॉल क्रिकेटमध्ये तो चमकेल. मॅनेजमेंट कंपन्यांचे लक्ष त्याच्यावरच आहे. त्या त्याचा फायदा उचलण्याची शक्यता आहे. त्या त्याच्यासोबत डील करण्याची शक्यता आहे.

सूर्यवंशीला अशा मॅनेजमेंट कंपन्या शोधत आहेत. त्याच्याशी संपर्क करण्याचा प्रयत्न करत आहे. काहींच्या मते तर या कंपन्या वैभवच्या छबीचा आणि कामगिरीचा त्यांच्या व्यावसायिक फायद्यासाठी उपयोग करू इच्छितात. याच गोष्टीचा त्याच्या खेळीवर परिणाम होऊ शकतो असे डूल यांना वाटते.

वैभव सदा सावधान

डूल यांच्या मते सूर्यवंशी याला अगोदर जाळ्यात ओढण्यात येईल. त्याला अनेक मोठी आश्वासनं देण्यात येतील. पण त्याने क्रिकेटवर लक्ष केंद्रीत करावे. त्याने आता कामगिरीत अजून सातत्य दाखवावे. कंपन्या त्याचा फायदा उचलू पाहत आहेत. त्यामुळे वैभव याने या कंपन्यांपासून सावध असावे. या कंपन्या शार्क असल्याचा इशाराही त्यांनी वैभव सूर्यवंशीला दिला.

गेल्या तीन सामन्यात वैभवने अत्यंत स्फोटक कामगिरी बजावली. पण सनराईजर्स हैदराबाद विरोधात प्रफुल्ल हिंगे याच्या भेदक चेंडूवर तो झेल बाद झाला. त्याला शुन्यावरच आऊट व्हावे लागले. पण त्यापूर्वीच्या सामन्यात त्याने धुवाधार बॅटिंग केली. त्याने दमदार खेळी खेळली. गोलंदाजांचा घामाटा काढला.