WTC Final ची उत्सुकता शिगेला, विराटसेनेचा पहिला फोटो समोर, टीम इंडिया मैदानात उतरण्यास सज्ज

टीव्ही 9 मराठी डिजीटल टीम

टीव्ही 9 मराठी डिजीटल टीम | Edited By: shashank patil

Updated on: Jun 17, 2021 | 4:38 PM

वर्ल्ड टेस्ट चॅम्पियनशिपच्या (WTC Final) सामन्याला सुरुवात होण्यासाठी केवळ एक दिवस उरला आहे. या जागतिक कसोटी क्रिकेटमधील सर्वात महत्त्वाच्या सामन्यामध्ये जागतिक क्रमवारीत अव्वल असणारे भारत (India) आणि न्यूझीलंड(NewZealand) हे संघ आमने-सामने असणार आहेत.

WTC Final ची उत्सुकता शिगेला, विराटसेनेचा पहिला फोटो समोर, टीम इंडिया मैदानात उतरण्यास सज्ज
Virat Shared Team India Photo

साऊदम्प्टन : भारत आणि न्यूझीलंड (India vs New Zealand) याच्यातील वर्ल्ड टेस्ट चॅम्पियनशिपच्या (ICC World Test Championship) सामन्याला काही तासंच शिल्लक आहेत. कसोटी क्रिकेटमधील सर्वात मानाच्या सामन्याला उद्या दुपारी भारतीय वेळेनुसार दुपारी 3 वाजता सुरुवात होणार आहे. संपूर्ण क्रिकेट जगतात या सामन्याची मोठी उत्सुकता असून मागील बरेच दिवस सर्व खेळाडू संघ प्रशासन आणि आतंरराष्ट्रीय क्रिकेट नियामक मंडळ (ICC) सामन्यासह खेळाडूंबाबतचे विविध अपडेट्स देत आहे. भारतीय संघाचा कर्णधार विराट कोहलीने (Virat Kohli) देखील अंतिम 15 खेळाडू असलेल्या संघासह सर्व स्टाफ असणारा फोटो ट्विट केला आहे. तर आयसीसीने देखील सामन्यात वापरण्यात येणाऱ्या चेंडूची पहिली झलक सर्वांना दाखविली आहे. (Virat Kohli Shares Team India Photo on Twitter and ICC Shares WTC Finals Cricket Ball Photo )

आयसीसीने दाखवली चेंडूची पहिली झलक

WTC Final चा सामना अत्यंत महत्त्वाचा असल्याने सामन्यात वापरण्यात येणाऱ्या सर्व गोष्टीही तितक्याच अव्वल दर्जाच्या आहेत. आयसीसी क्रमवारीत अव्वल असणाऱ्या भारत (India) आणि न्यूझीलंड (NewZeland) यांच्यात हा सामना खेळवण्यात येणार असून यावेळी ड्यूक्सचा प्रसिद्ध चेंडू वापरण्यात येणार आहे. या चमकत्या चेंडूची पहिली झलक आयसीसीने आपल्या ट्विटरवर शेअर केली आहे. हा फोटो सध्या प्रचंड व्हायरल होत असून क्रिकेट रसिक फोटोला लाईक आणि त्यावर कमेंट करत आहे.

टीम इंडियाचे 15 शिलेदार

या महत्त्वाच्या सामन्यासाठी भारतीय संघात 15 महत्त्वाच्या खेळाडूंना जागा देण्यात आली आहे. यात 5 वेगवान गोलंदाजासह 2 फिरकीपटूंचाही समावेश आहे. भारतीय संघात विराट कोहली, रोहित शर्मा, शुभमन गिल, चेतेश्वर पुजारा,अजिंक्य रहाणे, हनुमा विहारी, रिषभ पंत, वृद्धिमान साहा रविचंद्रन आश्विन, रविंद्र जडेजा, जसप्रीत बुमराह, इशांत शर्मा, मोहम्मद शमी, उमेश यादव, मोहम्मद सिराज यांचा समावेश करण्यात आला आहे.

हे ही वाचा :

WTC अंतिम सामन्यात कोण जिंकणार?, युवराज सिंगने सांगितलं विजेत्या संघाचं नाव

भारतीय संघाजवळ कुठेही जाऊन कुणालाही पाणी पाजायची ताकद : गौतम गंभीर

WTC Final : भारत की न्यूझीलंड, कोण जिंकणार? जगातील सर्वात मोठ्या सर्च इंजिनने वर्तवला ‘हा’ अंदाज

(Virat Kohli Shares Team India Photo on Twitter and ICC Shares WTC Finals Cricket Ball Photo )

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI