AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

IND vs NZ : “आम्ही दाखवून दिलं आहे की, भारताला..”, न्यूझीलंडचा कर्णधार टीम साउदीने डिवचलं

न्यूझीलंडने भारतात चमत्कारीक कामगिरी केली आहे. भारताला तीन सामन्यांच्या कसोटी मालिकेत 2-0 ने पराभूत करत मालिका विजय मिळवला आहे. आता तिसरा कसोटी सामना मुंबईच्या वानखेडे स्टेडियमवर होणार आहे. या सामन्यापूर्वी न्यूझीलंडचा कर्णधार टीम साउदीने इतर संघांना उदाहरण देत भारताला डिवचलं आहे.

IND vs NZ : आम्ही दाखवून दिलं आहे की, भारताला.., न्यूझीलंडचा कर्णधार टीम साउदीने डिवचलं
| Updated on: Oct 29, 2024 | 7:48 PM
Share

न्यूझीलंडने भारताला तीन सामन्यांच्या कसोटी मालिकेत 2-0 ने नमवलं आहे. इतकंच काय तर भारताचं वर्ल्ड टेस्ट चॅम्पियनशिप 2025 अंतिम फेरीचं गणितही फिस्कटून टाकलं आहे. त्यामुळे आता तिसऱ्या सामन्यात भारताला काहीही करून विजय मिळवावा लागणार आहे. नाही तर ऑस्ट्रेलियाविरुद्धच्या मालिकेत खऱ्या अर्थाने कसोटी लागणार आहे. भारताने यापूर्वी दोनदा वर्ल्ड टेस्ट चॅम्पियनशिपच्या अंतिम फेरीत धडक मारली आहे. पण दोन्ही वेळेस पराभवाचं तोंड पाहावं लागलं आहे. पहिल्या पर्वात न्यूझीलंडने पराभूत केलं होतं. तर दुसऱ्या पर्वात ऑस्ट्रेलियाने दारूण पराभव करत जेतेपदावर नाव कोरलं होतं. असं असताना तिसऱ्यांदा भारतीय संघ अंतिम फेरी गाठेल की नाही याबाबत आता सांगणं कठीण आहे. असं असताना न्यूझीलंडविरुद्धच्या तिसऱ्या कसोटी सामन्यापूर्वी कर्णधार टीम साउदीचं वक्तव्य समोर आलं आहे. भारताला भारतात पराभूत करणं किती कठीण होतं? असा प्रश्न विचारल्यानंतर त्याने या मालिकेचं उदाहरण देत डिवचण्याचा प्रयत्न केला.,

“मला वाटते की तुम्ही मागच्या 12 वर्षात मागे वळून पाहाल तर अशी कामगिरी कोणी केलेली नाही. भारताने सलग 18 मालिका भारतात जिंकल्या आहेत. त्यामुळे भारतात भारताला पराभूत करणं आव्हान असतं. माझ्या दृष्टीकोनातून आणि मी गेल्या अनेक वर्षांमध्ये खेळलेले क्रिकेट पाहिल्यास, मला वाटते की भारत आणि ऑस्ट्रेलिया या दोन ठिकाणांचा दौरा करणे सर्वात कठीण आहे. दोन्ही परिस्थिती, संघाची गुणवत्ता आणि ते घरच्या मैदानावर किती चांगले आहेत, या दोन्हीमुळे दौरा करणे कठीण होते.पण आता आम्ही ते करून दाखवलं आहे. मला वाटते की हे जगभरातील इतर संघांना दाखवून दिलं आहे की भारतात भारताला पराभूत करणे शक्य आहे.”, असं न्यूझीलंडचा कर्णधार टीम साउदीने क्रिकबझशी बोलताना सांगितलं.

भारत आणि न्यूझीलंड यांच्यात तिसरा कसोटी सामना मुंबईच्या वानखेडे स्टेडियमवर होणार आहे. 1 नोव्हेंबरपासून या सामन्याला सुरुवात होणार आहे. हा सामना जिंकून भारताला व्हाईट वॉश देण्याचा न्यूझीलंडचा प्रयत्न असेल. त्याचबरोबर तिसऱ्या सामन्यात विजय मिळवून न्यूझीलंडचं अंतिम फेरीचं गणित आणखी सोपं होणार आहे. सध्या गुणातलिकेत न्यूझीलंडचा संघ चौथ्या स्थानावर आहे. तिसऱ्या सामन्यातील विजयानंतर विजयी टक्केवारीत वाढ होईल आणि तिसऱ्या स्थानावर पोहोचू शकते.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी