IND vs WI: भारताने मालिका जिंकूनही गिल संतापला, ‘त्या’ एकट्याला व्हिलन ठरवलं अन् झाप झाप झापलं

IND vs WI 3rd ODI: भारत आणि वेस्ट इंडिज यांच्यातील तिसऱ्या एकदिवसीय सामन्यात भारतीय संघाला ५ गडी राखून पराभव पत्करावा लागला. भारताने मालिका २-१ ने जिंकली असली तरी, कर्णधार शुभमन गिल मात्र नाराज आहे. मालिका संपताच गिलने सगळ्यांना सुनावले. मॅचनंतर नेमकं काय म्हणाला ते पाहा…

कर्णधार गिल संघाच्या कामगिरीवर नाराज होता. त्याने संघाच्या खराब गोलंदाजीवर आणि अखेरच्या षटकांतील खराब क्षेत्ररक्षणावर नाराजी व्यक्त केली. गिल म्हणाला की, “विश्वचषकापूर्वी अशा प्रकारचे क्षेत्ररक्षण चालणार नाही आणि एक संघ म्हणून प्रत्येकाला या कमकुवतपणावर काम करावे लागेल.”

तिसऱ्या एकदिवसीय सामन्यातील पराभवाच्या कारणांवर चर्चा करताना गिल म्हणाला की, “भारताने ३५१ धावांची चांगली धावसंख्या उभारली होती, परंतु शेवटच्या चार षटकांमध्ये षटकांचा वेग कमी असल्यामुळे त्यांना एक क्षेत्ररक्षक ठेवावा लागला. रात्री दव पडल्यामुळेही पराभव होण्याची शक्यत आहे. ” वेस्ट इंडिजला विजयासाठी शेवटच्या चार षटकांत ४४ धावांची गरज होती. त्यानंतर एक अतिरिक्त क्षेत्ररक्षक आणण्यात आला आणि वेस्ट इंडिजने पुढच्या १४ चेंडूंमध्ये सामना जिंकला. मात्र, गिल असेही म्हणाला की,”नितीश रेड्डी आणि नमन धीर यांच्या चांगल्या कामगिरीसह भारताने या मालिकेत अनेक बाबतीत सुधारणा केली.”

कर्णधार गिल म्हणाला, “बऱ्याच गोष्टी साध्य झाल्या. मला वाटते की अजूनही काही क्षेत्रांवर काम करण्याची गरज आहे. मी धावसंख्येवर खूप खूश होतो. मला वाटले की सामना नियंत्रणात होता. पण दव आणि त्यानंतर शेवटची चार षटके मागे पडल्यामुळे त्यांनी सामना आमच्या हातून निसटवला. जर आम्ही आमचा एक क्षेत्ररक्षक कमी केला नसता, तर सामना कदाचित शेवटच्या षटकापर्यंत गेला असता. गुरनूर दुखापतीतून सावरल्यानंतर गोलंदाजी करण्यासाठी परत येईल की नाही हे आम्हाला माहीत नव्हते. त्यामुळे थोडी अनिश्चितता होती. आम्हाला माहीत होते की सामना शेवटपर्यंत जाईल, आणि कुलदीप विकेट घेणारा गोलंदाज आहे, आणि मला वाटत होते की त्याने शेवटी काही षटके टाकावीत.”

भारतीय संघाच्या तयारीबद्दल कर्णधार गिल म्हणाला, “मी म्हणेन की मी खूप आनंदी आहे, पण जसं मी म्हणालो, मला वाटतं की अजूनही काही क्षेत्रं आहेत जिथे सुधारणा करण्याची गरज आहे. आमचं क्षेत्ररक्षण खूपच चांगलं होऊ शकलं असतं. एकंदरीत, मला वाटतं की या मालिकेत आम्ही सुमारे सहा ते सात झेल सोडले, जे विश्वचषकाच्या दृष्टीने चांगलं लक्षण नाही. तुमचं क्षेत्ररक्षण उत्कृष्ट असावं अशी तुमची इच्छा असते. आम्हाला आमच्या डेथ ओव्हर्समधील गोलंदाजीवर काम करण्याची गरज आहे. मला वाटतं की कधीकधी आम्हाला हे स्पष्ट नसतं की आम्ही आक्रमण करत आहोत की बचाव करत आहोत, विशेषतः जेव्हा आम्ही डेथ ओव्हर्समध्ये गोलंदाजी करत असतो. जर प्रतिस्पर्धी संघ ५ किंवा ६ धावांनी मागे असेल, तर कोणती क्षेत्ररचना करावी हे कधीच निश्चित नसतं, की आम्ही डेथ ओव्हर्समध्ये खूप लवकर गोलंदाजी करत आहोत की आम्ही अजूनही मधल्या षटकांप्रमाणेच गोलंदाजी करत आहोत. मला वाटतं की ही काही अशी क्षेत्रं आहेत जिथे आम्हाला निश्चितपणे सुधारणा करण्याची गरज आहे.” गिलने आवर्जून डेथ ओव्हर्सचा उल्लेख केल्यामुळे स्पष्ट होते की त्याने अंशुल कंबोजला व्हिलन बनवले आहे.