IPL Trade 2026 : मुंबई इंडियन्स अर्जुन तेंडुलकरचा ब्रेकअप, आता आयपीएलमध्ये या टीमकडून खेळणार

IPL Trade 2026 : आयपीएलच्या पुढच्या सीजननसाठी काही खेळाडूंच ट्रेडिंग करण्यात आलं. म्हणजे खेळाडूंची एक टीममधून दुसऱ्या टीममध्ये बदली झाली. यात रवींद्र जाडेजा, संजू सॅमसन अशी मोठी नावं आहेत. यामध्ये अर्जुन तेंडुलकरही आहे. त्याचं अनेक वर्षांपासूनच मुंबई इंडियन्सशी असलेलं नातं तुटलं आहे.

Arjun Tendulkar Image Credit source: PTI

Dinananth Parab | Updated on: Nov 15, 2025 | 11:30 AM

आयपीएल 2026 आधी चेन्नई सुपरकिंग्स आणि राजस्थान रॉयल्समध्ये एक मोठी डील झाली आहे. सीएसकेने आपला स्टार खेळाडू रवींद्र जाडेजा रॉजस्थान रॉयल्सला दिला आहे. आता 14 कोटी घेऊन जाडेजा पुढच्या सीजनमध्ये राजस्थान रॉयल्सकडून खेळताना दिसेल. राजस्थानने त्यांचा कॅप्टन संजू सॅमसनला सीएसकेकडे सोपवलं आहे. संज सॅमसन 18 कोटी घेऊन पुढच्या सीजनपासून CSK कडून खेळताना दिसेल. दोन्ही टीम्समध्ये या डीलसाठी बऱ्याच दिवसांपासून बोलणी सुरु होती.

आयपीएल 2026 सीजनसाठी सर्व फ्रेंचायजींकडे खेळाडू रिटेन करण्याची आजची शेवटची तारीख होती. या ट्रेड विंडोमध्ये रवींद्र जाडेजा, संजू सॅमसन, सॅम करन, मोहम्मद शमी, मयंक मार्कंडेय, अर्जुन तेंडुलकर, नीतीश राणा आणि देनोवन फरेरा या खेळाडूंचा समावेश होता. कुठल्या प्लेयरने कुठल्या टीमची निवड केलीय ते जाणून घेऊया.

रवींद्र जडेजा

सीनियर ऑलराऊंडर आणि माजी CSK चा कॅप्टन रवींद्र जडेजा आयपीएल 2026 मध्ये राजस्थान रॉयल्सकडून (RR) खेळताना दिसणार आहे.

12 सीजनपर्यंत CSK कडून खेळणाऱ्या रवींद्र जाडेजाचं लीग शुल्क ₹18 कोटीने कमी होऊन ₹14 कोटी झालं आहे.

त्याच्या येण्याने RR ला एक ऑलराऊंडर मिळणार आहे.

संजू सॅमसन

RR चा कॅप्टन आणि भारताच विकेटकीपर फलंदाज संजू सॅमसन आता चेन्नई सुपरकिंग्ससाठी खेळणार आहे.

सॅमसनच जेवढं ₹18 कोटी शुल्क आहे, तेवढच त्याला CSK कडून मिळणार आहे.

सॅमसन सीएसकेमध्ये गेल्याने त्यांची ताकद वाढणार आहे.

सॅम करन

इंग्लिश ऑलराऊंडर सॅम करनला CSK ने RR मध्ये ट्रेड केल.

त्याची फी ₹2.4 कोटी ती तेवढील राहीलं.

सॅम करन आता आयपीएलमध्ये तिसऱ्या फ्रेंचायजीकडून खेळेल.