सारा सोडा! शुभमनच्या मागे आता कोण पडलंय माहिती आहे का? उमेश यादवनं स्पष्टच सांगितलं…

मुंबई: भारतीय क्रिकेट संघातील बॅटर शुभमन गिलची चर्चा रंगली आहे. 23 वर्षीय शुभमन चांगलाच फॉर्मात आहे. क्रिकेटच्या तिन्ही फॉर्मेटमध्ये त्याने सर्वोत्तम कामगिरी केली असून शतक झळकावलं आहे. असं असताना गेल्या काही दिवसांपासून शुभमनचं नाव ‘सारा’सोबत जोडलं जात आहे. सारा तेंडुलकर की, सारा अली खान याबाबत सोशल मीडियावर त्याला प्रश्न विचारले जात आहेत. मात्र याबाबत शुभमनने कधीच कोणतंही अधिकृत वक्तव्य केलेलं नाही. इतकंच काय मैदानावर क्षेत्ररक्षण करताना देखील शुभमनला ‘सारा..सारा..’ नावाने चिडवलं जातं. प्रेक्षकांचा हा जयघोष ऐकून भर मैदानात विराट कोहलीलाही हसू आवरलं नव्हतं. आता त्यात आणखी एका मुलीची भर पडली आहे. काय तुमचा विश्वास बसत नाही, पण तुम्ही वाचलं ते अगदी खरं आहे. याबाबतचा खुलासा खुद्द क्रिकेटपटू आणि गोलंदाज उमेश यादव याने केला आहे.

भारत आणि ऑस्ट्रेलिया यांच्यात नागपूरमध्ये पहिला कसोटी सामना रंगणार आहे. मात्र सामन्यापूर्वी नागपूर शहरभर लागलेले पोस्टर सर्वांचं लक्ष वेधून घेत आहे. या पोस्टरवर भारत-न्यूझीलँड टी-20 सामना पाहण्यासाठी आलेल्या तरुणीचा फोटो आहे. या सामन्यादरम्यान तरुणीच्या हातात असलेल्या पोस्टरने लक्ष वेधून घेतलं होतं. त्या पोस्टरवर ‘टिंडर शुभमनसे मॅच करा दो!’, असं लिहिलं होतं.

Didi ka match karado koi pic.twitter.com/wDF99VpEaz

— Shivani (@meme_ki_diwani) February 1, 2023

आता हेच पोस्टर नागपूरच्या चौकाचौकात लागले आहेत. या पोस्टरचे फोटोन उमेशने आपल्या ट्विटर हँडलवर शेअर केले आहेत. त्याचबरोबर पोस्टर पाहून क्रिकेटर आणि नागपूरकर उमेश यादव याने शुभमनला मोलाचा सल्ला दिला आहे. “पूरा नागपूर बोल राहा है, शुभमन गिल अब तो देख लो”

Poora Nagpur bol raha hai, @ShubmanGill ab toh dekh le pic.twitter.com/9iaW2BBtZY

— Umesh Yaadav (@y_umesh) February 3, 2023

भारत आणि ऑस्ट्रेलिया यांच्यात चार सामन्याची कसोटी मालिका आहे. टेस्ट वर्ल्ड चॅम्पियनशिपच्या दृष्टीकोनातून ही मालिका भारतासाठी महत्त्वाची आहे. भारता ही मालिका 3-0 जिंकणं आवश्यक आहे. या मालिकेतील निकालावरच अंतिम फेरीचं गणित ठरणार आहे. वर्ल्ड कसोटी चॅम्पियनशिपच्या गुणतालिकेत ऑस्ट्रेलिया 75.56 टक्के गुणांसह अव्वल स्थानी, 58.93 टक्के गुणांसह भारत दुसऱ्या स्थानी, 53.33 गुणांसह श्रीलंका तिसऱ्या स्थानी, 48.72 गुणांसह दक्षिण आफ्रिका चौथ्या स्थानी आहे. भारताने ही मालिका गमवल्यास श्रीलंका किंवा दक्षिण आफ्रिकेला अंतिम फेरीचं तिकीट मिळणार आहे.

23 वर्षीय शुभमन गिलचा जन्म 8 सप्टेंबर 1999 रोजी पंजाबमधील फजिल्का येथे झाला. शुभमने आतापर्यंत 13 कसोटीत 1 शतक आणि 4 अर्धशतकांसह 736 धावा केल्या आहेत. 21 एकदिवसीय सामन्यात 4 शतकं आणि 5 अर्धशतकांच्या जोरावर 1254 धावा केल्या आहेत. यात द्विशतकी खेळीनं सर्वांचं लक्ष वेधून घेतलं होतं. तसेच 6 टी 20 सामन्यात 1 शतकासह 202 धावा केल्या आहेत.