Rivaba Jadeja: रविंद्र जाडेजाची पत्नी रिवाबाच्या विरुद्ध मोठी बहिण मैदानात, जाणून घ्या कारण

मुंबई : टीम इंडियाचा स्टार खेळाडू रविंद्र जाडेजा (Ravindra Jadeja) सध्या दुखापतीतून सावरत आहे. रविंद्र जाडेजाची पत्नी रिवाबा जाडेजा (Rivaba Jadeja) गुजरातमधून विधानसभा निवडणूक लढवणार आहे. गुजरातमधील जामनगर विधानसभा क्षेत्रातून रिवाबाने भाजप कार्यकर्त्यांच्या उपस्थितीत निवडणुकीचा अर्ज दाखल केला आहे. विशेष म्हणजे आता रविंद्र जाडेजाची बहिण नैना (Naina) आपल्या वहिनीला (रिवाबाला) जाहीरपणे विरोध करताना दिसत आहे. कॉंग्रेसकडून नैनाला जामनगरमध्ये उमेदवारी मिळण्याची शक्यता आहे.

काल रविंद्र जाडेजाची पत्नी रिवाबा यांनी उमेवारी अर्ज दाखल केल्यापासून जाडेजाची बहिण नैना उघडपणे विरोध करीत असल्याची माहिती एका वेबसाईटने दिली आहे. कॉंग्रेसकडून नैनाला उमेदवारी मिळाल्यानंतर प्रचार जोरदार होण्याची शक्यता आहे. समजा नैनाला कॉंग्रेसकडून उमेदवारी जाहीर झाली, तर नणंद-भावजय असा मुकाबला जामनगर वासियांना पाहायला मिळणार आहे.

रविंद्र जाडेजाच्या पत्नीला भाजपकडून उमेदवारी जाहीर झाल्यानंतर एकत्र येण्याचं आवाहन सोशल मीडियाच्या माध्यमातून केले होते. काल भाजपच्या कार्यकर्त्यांनी रिवाबाचा उमेदवारीचा अर्ज दाखल करण्यासाठी गर्दी केली होती. दुसरीकडे जाडेजाची बहिण रिवाबाच्या विरुद्ध जोरदार प्रचार करीत आहे.

रिवाबा मागच्या तीन वर्षापासून भाजपच्या अनेक कार्यक्रमांना उपस्थित राहत आहे. रिवाबाला एका कार्यक्रमात उमेदवारीबाबत विचारण्यात आलं होतं. त्यावेळी त्यांनी भाजप आणि पंतप्रधानांनी विश्वास दाखवला तर नक्की तिकीट स्विकारेनं असं म्हटलं होतं