Shubman Gill: IND vs NZ मालिकेपूर्वीच गिलवर ओढवली नामुष्की, रणजी ट्रॉफीमध्ये लॉकल बॉलरसमोर पडला फिका

Ranji Trophy 2025-26 : भारत आणि न्यूझीलंड यांच्यात लवकरच मालिका रंगणार आहे. टी-२० आणि वनडे सामन्यांची मालिका रंगणार आहे.  न्यूझीलंडच्या सहा आठवड्यांच्या दौऱ्यावर जाण्यापूर्वी, भारतीय कर्णधार शुभमन गिलचे रणजी ट्रॉफीमधील पुनरागमन निराशाजनक ठरले. रविवारी न्यू चंदीगड येथील मुल्लानपूर स्टेडियमवर छत्तीसगडविरुद्ध पंजाबकडून खेळताना गिल स्वस्तात बाद झाला. लाल चेंडूने सामन्याचा सराव आणि लय मिळवण्यासाठी चौथ्या क्रमांकावर फलंदाजीला आलेला हा गिल केवळ एका धावेवर क्लीन बोल्ड झाला. भारत न्यूझीलंड यांच्यात पाच सामन्यांची टी-२० मालिका रंगली. यानंतर आता पाच सामन्यांची वनडे मालिका रंगणार आहे. या मालिकेपूर्वी गिलचे असे बाद होणे चिंताजनक ठरत आहे.

गिल कसा बाद झाला?

पंजाबच्या पहिल्या डावात, शुभमन गिल चौथ्या क्रमांकावर फलंदाजीला आला. त्याने केवळ पाच चेंडूंचा सामना केला आणि फक्त एक धाव काढली. गिलची विकेट छत्तीसगडचा डावखुरा फिरकी गोलंदाज अजय मंडलने घेतली, ज्याने आपल्या अचूक गोलंदाजीने भारतीय कर्णधाराचा मधला स्टम्प उडवला. अजय मंडलचा एक चेंडू खेळपट्टीवर पडला, त्याने आपली दिशा कायम ठेवली आणि तो आत वळला. गिलला चेंडूची दिशा ओळखून बचाव करण्याची संधी मिळण्यापूर्वीच, चेंडू त्याच्या बॅट आणि पॅडमधील फटीतून वेगाने गेला आणि मधल्या स्टम्पला लागला. अशाप्रकारे, पहिल्याच सेशनमध्ये त्याच्या मोठ्या खेळीच्या आशांवर पाणी फिरले.

🚨 Prince Shubhman Gill missed century by 1 run 🚨

– Gill has just scored 1 run in just 5 balls and bolwed by Ajay Mandal. https://t.co/lGgN55AKkb

— Cricket Virus (@Cricketvirus18) October 18, 2026

भारत लवकरच न्यूझीलंडच्या सहा आठवड्यांच्या दौऱ्यावर जाणार आहे. गिल पाच एकदिवसीय सामन्यांच्या मालिकेत आणि दोन कसोटी सामन्यांच्या मालिकेत भारतीय संघाचे नेतृत्व करेल. २०२७ च्या एकदिवसीय विश्वचषकाच्या तयारीसाठी आणि जागतिक कसोटी चॅम्पियनशिप (WTC) च्या अंतिम फेरीत पोहोचण्याची आशा जिवंत ठेवण्यासाठी हा दौरा भारतीय संघासाठी अत्यंत महत्त्वाचा आहे. त्यामुळे, परदेशातील वेगवान खेळपट्ट्यांचा सामना करण्यापूर्वीच मायदेशात फिरकी गोलंदाजाविरुद्ध गिल बाद होणे, हे संघ व्यवस्थापनासाठी चिंतेचे कारण ठरू शकते.