Virat Kohli : आपला संबंध संपला..! विराट कोहली याने घेतला मोठा निर्णय
One8 Commune, Virat Kohli : वन8 कम्यून हे बंगळूरुस्थित प्रसिद्ध रेस्टॉरंट, बंद करण्यात आलं आहे. 2 कोटी रुपयांच्या कर्जाची परतफेड न केल्यामुळे न्यायालयाने रेस्टॉरंट बंद करण्याचे आदेश दिले आहेत.
Virat Kohli, One8 Commune : भारताचा दिग्गज क्रिकेटपटू विराट कोहलीमुळे (Virat Kohli) चर्चेत असलेलं बंगळूरुमधील वन8 कम्युन आता बंद झालं आहे. कोर्टाच्या निर्णयावर आता या रेस्टॉरंटला टाळं ठोकण्यात आलं आहे. बंगळूरु दिवाणी न्यायालयाने ‘ वन8 कम्यून ‘ हे रेस्टॉरंट बंद करण्याचे आदेश दिले आहेत, कारण त्याच्या मालकांवर 2 कोटी रुपयांचं कर्ज थकीत आहे. एवढंच नव्हे तर 2 कोटी रुपयांच्या बिलासह इतर थकीत देयकेही अजून पेडिंग आहेत, असी माहिती समोर आली आहे. ‘ट्रायो हिल्स हॉस्पिटॅलिटी’द्वारे हे रेस्टॉरंट चालवलं जात होतं, मात्र त्यांनी सुमारे 6 महिन्यांपासून भाडचं भरलं नव्हतं, असंही उघड झालंय.
विराटने तोडलं नातं
कोर्टाच्या या निर्णयानंतर आता विराट कोहलीने वन8 कम्यून रेस्टॉरंटशी आपले संबंध पूर्णपणे संपवले आहेत. एकेकाळी विराट हा या रेस्टॉरंटचा चेहरा होता. पण आता मात्र त्याने केवळ रेस्टॉरंटमधील आपला हिस्साच संपवलेला नाही, नाही, तर त्यासोबतच्या असलेलं ‘वन8’ हे आपलं ब्रँड नेम देखील काढून घेतलं आहे.
कर्ज न फेडल्याने लागलं कुलूप
असं म्हटलं जातयं की वन8 कम्युनचं केवळ मागील सहा महिन्यांचं भाडंच नव्हे, तर देखभाल शुल्क आणि महसुलातील वाटाही थकीत होतं. वारंवार नोटीस देऊनही काहीच परिणाम न झाल्याने, भाडं न भरल्याने, अखेर इमारतीच्या मालकाने न्यायालयात धाव घेतली. जिथे शेवटी न्यायालयाने रेस्टॉरंट बंद करण्याचा आदेश दिला.
आधीही वादात सापडलं होत वन8 कम्यून
विराट कोहलीच्या नावामुळे प्रसिद्ध असलेलं वन8 कम्यून रेस्टॉरंट हे वादात सापडण्याची ही काही पहिलीच वेळ नाही. यापूर्वही ते अनेकदा चर्चेच्या केंद्रस्थानी होतं. बंगळूरू महानगरपालिकेने यापूर्वी अग्निसुरक्षा आणि इतर नियमांचे उल्लंघन केल्याबद्दल हॉटेलला नोटीस बजावली होती. असं म्हटलं जातंय की, वन8 कम्युनच्या समस्यांना कंटाळून विराट कोहलीने आता फारकत घेतली आहे.
कोर्टाच्या आदेशनांतर, आता कर्ज फेडले जाईपर्यंत वन8 कम्युन हे बंदच राहणार आहे. व्यवसायातील तोट्यामुळे ही कर्जाची समस्या निर्माण झाली असून, ग्राहकांची घटणारी संख्या आणि घसरत असलेले ब्रँड मूल्य हे देखील त्यामागचं प्रमुख कारणं असल्याचं बोललं जात आहे.
