अँड्रॉइड फोनमध्ये ताबडतोब बदला ‘ही’ सेटिंग, तुमचा फोन चालेल एकदम फास्ट

बहुतांश लोक हे अँड्रॉइड फोन वापरतात. तर अनेक स्मार्टफोनमध्ये अधिकतर फोनमेमरी फुल झाली की फोन स्लो होतो किंवा हँग होण्यास सुरूवात होते. आपल्यापैकी अनेकांना असे वाटते की अधिक स्टोरेजमुळे ही समस्या निर्माण होते. मात्र अधिकतर अँड्रॉइड फोनमध्ये चालू असलेले बॅकग्राउंड ॲपमुळेही फोन स्लो चालतो. जर तुम्ही अँड्रॉइड फोन वापरत असाल तर तिथे डेव्हलपर ऑप्शन्स सेक्शन आहे. नावावरून असे वाटते की ते फक्त अँड्रॉइड डेव्हलपर्ससाठी आहे. हे काही प्रमाणात खरे आहे, परंतु त्यात अनेक सेटिंग्ज आहेत ज्या सामान्य वापरकर्त्यांसाठी देखील उपयुक्त आहेत. तुम्ही जर या सेटिंग्ज योग्यरित्या सेट केल्या तर तुमचा फोन सुरळीत चालेल आणि तुमचा फोन कधीच स्लो होणार नाही. चला तर मग आजच्या लेखात आपण अँड्रॉइड फोनमध्ये कोणत्या सेटिंग बदल्या पाहिजेत ते जाणून घेऊयात.

या सेटिंग्ज उत्कृष्ट कामगिरी प्रदान करतील

बॅकग्राउंड अ‍ॅक्टिव्हिटीज मर्यादित करा

अँड्रॉइडवर मल्टीटास्किंग केल्याने अनेक गोष्टी सोप्या होतात, परंतु त्यामुळे प्रोसेसर आणि बॅटरीवरही ताण येतो. म्हणून डेव्हलपर मोडमध्ये जा आणि बॅकग्राउंड प्रोसेस लिमिट 2 किंवा त्यापेक्षा कमी करा. यामुळे एकाच वेळी अनेक अ‍ॅप्स उघडण्यापासून रोखले जाईल, ज्यामुळे तुमचा फोन सुरळीत चालू राहील.

लॉगर बफरचा आकार कमी करा

तुमचा अँड्रॉइड फोन तुमच्या प्रत्येक अ‍ॅक्टिव्हिटी रेकॉर्ड करतो. हे फोनच्या डेव्हलपर्ससाठी उपयुक्त वैशिष्ट्य आहे, परंतु सामान्य वापरकर्त्यांसाठी फारसे उपयुक्त नाही. अँड्रॉइडमध्ये डिफॉल्टनुसार मोठा बफर आकार तयार होतो. याचा अर्थ हा आकार जेवढा मोठा तेवढी फोनची मेमरी जास्त वापरली जाते आणि त्यामुळे CPU ला देखील अधिक काम करावे लागते. तर फोनमधील हा ताण कमी करण्यासाठी लॉगर बफर आकार 64K किंवा 256K वर सेट करा. तुम्हाला हवे असल्यास तुम्ही ते पूर्णपणे बंद देखील करू शकता.

फोर्स पीक रिफ्रेश रेट

तुम्हाला जर तुमच्या फोनच्या बॅटरी लाइफची काळजी नसेल, तर ही सेटिंग तुमच्या फोनचा वापर करणे सोपे करेल. तुमचा फोन हाई रिफ्रेश रेट देत असला तरीही, बॅटरी वाचवण्यासाठी अँड्रॉइड अनेकदा तो कमी करतो. हे टाळण्यासाठी, तुम्ही फोर्स पीक रिफ्रेश रेट पर्याय सक्षम करू शकता. यामुळे सोशल मीडियावर स्क्रोल करण्याचा संपूर्ण अनुभव आनंददायी होईल.

अ‍ॅनिमेशन स्केल बदला

अ‍ॅप ट्रान्झिशन्स असोत किंवा मेनू पॉप-अप असोत, हे सर्व काही अ‍ॅनिमेशनवर अवलंबून असते. हे अ‍ॅनिमेशन हाय-एंड फोनवर उत्तम काम करतात, परंतु ते मध्यम श्रेणीच्या किंवा एंट्री-लेव्हल फोनवर प्रक्रिया मंदावू शकतात. तुम्ही डेव्हलपर ऑप्शन्समध्ये हे अ‍ॅनिमेशन पूर्णपणे कमी किंवा बंद करू शकता. यामुळे तुमचा फोन वेगवान होईल.