नवीन स्मार्टफोनसाठी आतुर आहात? जुलैच्या सुरुवातीलाच येतायत ‘हे’ धमाकेदार डिव्हाइसेस
जुलैच्या पहिल्या आठवड्यात अनेक कंपन्या आपले नवे डिव्हाइसेस बाजारात आणत आहेत. त्यामुळे तुम्ही जर नवीन स्मार्टफोन खरेदी करण्याचा विचार करत असाल, तर हे फोन तुमच्या लिस्टमध्ये असायलाच हवेत.
जुलै महिन्याची सुरुवात स्मार्टफोनप्रेमींना जबरदस्त आनंद देणारी ठरणार आहे. कारण नथिंग, वनप्लस आणि सॅमसंगसारख्या आघाडीच्या कंपन्यांचे नवे स्मार्टफोन जुलैच्या पहिल्याच आठवड्यात भारतात लाँच होणार आहेत. जर तुम्ही या महिन्यात नवीन स्मार्टफोन खरेदी करण्याचा विचार करत असाल, तर तुमच्यासाठी ही बातमी अत्यंत उपयुक्त ठरणार आहे. चला तर पाहूया कोणते स्मार्टफोन जुलैमध्ये बाजारात येणार आहेत आणि त्यात काय खास आहे.
1. Nothing Phone 3
यूके बेस्ड कंपनी Nothing आपला Phone 3 हा नवा स्मार्टफोन 1 जुलै 2025 रोजी भारतात लाँच करणार आहे. कंपनीने याला आपला “पहिला खरा फ्लॅगशिप स्मार्टफोन” असे म्हटले आहे. लीक रिपोर्ट्सनुसार, यामध्ये 6.7-इंचाचा LTPO OLED डिस्प्ले दिला जाईल. फोनमध्ये मागच्या बाजूला 50MP + 50MP + 50MP ट्रिपल कॅमेरा सेटअप असेल, तर सेल्फीसाठी 50MP फ्रंट कॅमेरा दिला जाणार आहे. याशिवाय, या डिव्हाइसला 5,150 mAh क्षमतेची मोठी बॅटरी मिळणार असून, ती 100W फास्ट चार्जिंग सपोर्टसह येण्याची शक्यता आहे. एकूणच, हे एक पॉवरफुल आणि आकर्षक फ्लॅगशिप ठरणार आहे.
2. OnePlus Nord 5
OnePlus Nord 5 देखील एक बहुचर्चित फोन आहे जो 8 जुलै 2025 रोजी बाजारात येणार आहे. यात 6.83-इंचाचा फुल HD+ AMOLED डिस्प्ले, 12GB RAM आणि 512GB स्टोरेज दिलं जाणार आहे. कॅमेराच्या बाबतीत, यात 50MP + 8MP ड्युअल रिअर कॅमेरा, आणि 50MP फ्रंट कॅमेरा मिळणार आहे. बॅटरीबॅकअपसाठी, फोनमध्ये 5,200mAh बॅटरी असून 80W SuperVOOC चार्जिंग सपोर्टसुद्धा असणार आहे. हे सगळं Snapdragon 8s Gen 3 प्रोसेसरसह मिळणार आहे, जे उत्तम परफॉर्मन्ससाठी जबरदस्त आहे.
3. OnePlus Nord CE 5
याच दिवशी OnePlus Nord CE 5 देखील लाँच होणार आहे. यामध्ये 6.77-इंचाचा फुल HD+ AMOLED डिस्प्ले, 8GB RAM आणि 256GB स्टोरेज दिले जाईल. कॅमेराच्या आघाडीवर, यात 50MP + 8MP रिअर कॅमेरा, आणि 16MP फ्रंट कॅमेरा मिळेल. पॉवरसाठी, यात 5,200mAh बॅटरी दिली जाणार असून MediaTek Dimensity 8350 प्रोसेसर वापरला जाणार आहे.
4. Samsung Galaxy Z Fold 7 आणि Flip 7
Samsung देखील आपले दोन प्रीमियम फोल्डेबल फोन Galaxy Z Fold 7 आणि Z Flip 7 – 9 जुलै 2025 रोजी Unpacked Event मध्ये लाँच करणार आहे. Z Fold 7 मध्ये 8-इंचाचा मुख्य डिस्प्ले, आणि 6.5-इंचाचा कव्हर डिस्प्ले, तसेच Snapdragon 8 Elite प्रोसेसर मिळेल. यामध्ये 200MP प्राइमरी कॅमेरा आणि 4,400mAh बॅटरी दिली जाणार आहे. Z Flip 7 मध्येही हाच प्रोसेसर दिला जाईल, तसेच 12GB RAM, आणि 256GB ते 1TB स्टोरेज पर्याय उपलब्ध असतील. यातही 200MP मुख्य कॅमेरा असण्याची शक्यता आहे.
