AI फीचर्ससह मैदानात उतरला Google Pixel 8a; किंमत तर केवळ इतकी

Google Pixel A मालिकेत आता ग्राहकांना एक नवीन स्मार्टफोन मिळाला आहे. या पिक्सल स्मार्टफोन नाव Google Pixel 8a असे आहे. पिक्सलच्या या नवीन मालिकेत किफायतशीर किंमतीत पिक्सल डिव्हाईस उतरण्यात येतात. गेल्या वर्षी मे महिन्यात Pixel 7a चे अपग्रेड मॉडेल पिक्सल 8ए मध्ये अनेक जोरदार फीचर्स आले आहेत. कोणत्याही लाँचिंग इव्हेंटशिवाय गुगलने नवीन Pixel Smartphone बाजारात उतरवला हे विशेष…

इव्हेंटपूर्वीच स्मार्टफोन बाजारात

गुगल पिक्सल ए सीरीजमध्ये नवीन स्मार्टफोन Google I/O या इव्हेंटमध्ये सादर करण्यात येतात. यावर्षी Google I/O 2024 हा इव्हेंट 14 मे पासून धडाक्यात सुरु होत आहे. पण हा कार्यक्रम सुरु होण्यापूर्वीच पिक्सल ए मालिका बाजारात उतरवून गुगलने सगळ्यांना बुचकळ्यात टाकले आहे. या स्मार्टफोनमध्ये 7 वर्षांपर्यंत सॉफ्टवेअर सपोर्ट मिळेल.

Google Pixel 8a Pre Booking Details

गूगल पिक्सल 8ए ची प्री-ऑर्डर बुकिंग सुरु झाली आहे. हा स्मार्टफोन फ्लॅगशिप फीचर्ससह उतरविण्यात आला आहे. या फोनची विक्री पुढील आठवड्यात 14 मे रोजी सकाळी 6:30 वाजता सुरु करण्यात येणार आहे. तुम्हाला या फोनसाठी आता बुकिंग करता येईल. ई-कॉमर्स प्लेटफॉर्म Flipkart वर प्री-बुकिंग सुरु झाली आहे.

Google Pixel 8a Price in India

या गुगल पिक्सल स्मार्टफोनचा 128 जीबी स्टोरेज व्हेरिएंट 52 हजार 999 रुपयांना खरेदी करता येईल. 256 जीबी स्टोरेजचा हँडसेट खरेदीसाठी ग्राहकांना 59,999 रुपये खर्च करावे लागतील. ग्राहकांना बुकिंग करताना सूट पण मिळणार आहे. काही बँक कार्ड्स पेमेंटवर 4 हजार रुपयांचा कॅशबॅक आणि 12 महिन्यांपर्यंत नो-कॉस्ट ईएमआई सुविधा देण्यात आली आहे.

Google Pixel 8a Specifications

डिस्प्ले : फोनमध्ये 120 हर्ट्ज रिफ्रेश रेट सपोर्टसह 6.1 इंचची फुल-एचडी प्लस डिस्प्ले

प्रोसेसर : फोनमध्ये गुगल टेंसर जी3 चिपसेटसह सुरक्षेसाठी Titan M2 चिपचा वापर

कॅमेरा सेटअप : फोनच्या मागील भागात 64 मेगापिक्सल प्रायमरी कॅमेरा, 13 मेगापिक्सल अल्ट्रा-वाईड कॅमेरा देण्यात आला आहे. समोरील भागात 13 मेगापिक्सल सेल्फी कॅमेरा सेन्सर