व्हॉट्सअ‍ॅपवर आपला व्यवसाय वाढवेल हे फिचर, जाणून घ्या कसे बनवायचे बिझनेस अकाऊंट?

आपण व्हॉट्सअ‍ॅपवर व्यवसायाशी संबंधित माहिती देखील शेअर करू शकता. यासाठी आपण व्हॉट्सअ‍ॅपवर वैयक्तिक ऐवजी बिझनेस अकाउंटही तयार करू शकता. आपण व्हॉट्सअ‍ॅप बिझनेस खात्यात आपल्या व्यवसायाबद्दल माहिती देखील देऊ शकता. (This feature will grow your business on WhatsApp, know how to create a business account)

  • टीव्ही 9 मराठी डिजीटल टीम
  • Published On - 9:00 AM, 6 Apr 2021
व्हॉट्सअ‍ॅपवर आपला व्यवसाय वाढवेल हे फिचर, जाणून घ्या कसे बनवायचे बिझनेस अकाऊंट?
अँड्रॉइड आणि आयओएस डिव्हाइस दरम्यान व्हॉट्सअॅप चॅट ट्रान्सफर करणे सुलभ

नवी दिल्ली : व्हॉट्सअ‍ॅपचा वापर आता केवळ कम्युनिकेशनसाठीच होत नाही, तर आता लोक व्हॉट्सअ‍ॅपच्या माध्यमातूनही आपला व्यवसायही करत आहेत. गप्पा मारणे, मॅसेज पाठविणे, फोटो आणि व्हिडिओ शेअर करण्यासाठी व्हॉट्सअ‍ॅप हे सर्वात सोपे व्यासपीठ आहे. व्हॉट्सअॅपच्या वैशिष्ट्यांमुळे त्याचा सर्वाधिक वापर केला जात आहे. आपण व्हॉट्सअ‍ॅपवर व्यवसायाशी संबंधित माहिती देखील शेअर करू शकता. यासाठी आपण व्हॉट्सअ‍ॅपवर वैयक्तिक ऐवजी बिझनेस अकाउंटही तयार करू शकता. आपण व्हॉट्सअ‍ॅप बिझनेस खात्यात आपल्या व्यवसायाबद्दल माहिती देखील देऊ शकता. (This feature will grow your business on WhatsApp, know how to create a business account)

व्हॉट्सअ‍ॅप बिझनेस अकाऊंट कसे तयार करावे?

आपण आपल्या फोनच्या प्ले स्टोअरमध्ये व्हॉट्सअ‍ॅप बिझनेस अ‍ॅप टाकून डाउनलोड करू शकता. व्हॉट्सअ‍ॅप बिझनेस खाते इन्स्टॉल झाल्यानंतर ते सक्रिय करावे लागेल. यासाठी आपल्याला आपल्या बिझनेस मोबाईल नंबरवरून या अ‍ॅपमध्ये साइन अप करावे लागेल. यानंतर, आपल्याला तीन डॉट्सवर क्लिक करावे लागेल, हे स्क्रीनच्या शीर्षस्थानी दिसतील. असे केल्याने मेनू ओपन होईल. मेनू ओपन झाल्यावर आपल्याला सेटिंग्जवर क्लिक करावे लागेल आणि नंतर बिझनेस सेटिंग्जवर क्लिक करावे लागेल. व्हॉट्सअ‍ॅपच्या बिझनेस अकाउंटमध्ये जर तुमची कंपनी असेल तर आपण त्या कंपनीच्या नावावर व्हॉट्सअ‍ॅप बिझनेस अकाउंट देखील तयार करू शकता आणि आपला वेबसाइट अ‍ॅड्रेस किंवा इतर तपशील देखील प्रविष्ट करू शकता.

व्हॉट्सअॅप बिझनेस खात्याची वैशिष्ट्ये

अ‍ॅप मेसेज

व्हॉट्सअ‍ॅप बिझिनेस अकाउंटमध्ये अवे मॅसेज एक चांगले फिचर आहे. याचा उपयोग ऑटो रिप्लाय मॅसेज सेट करण्यासाठी केला जाऊ शकतो. म्हणजेच जर कोणी तुम्हाला व्हॉट्सअ‍ॅप बिझनेस अकाउंटवर मॅसेज केला तर तुमचा सेट केलेला मॅसेज आपोआप त्याच्याकडे जाईल. या मॅसेजमध्ये आपल्याला काय जतन करायचे आहे ते आपल्यावर अवलंबून आहे. कारण काही संदेश आधीपासूनच त्याच्या सेटिंग्जमध्ये सेव्ह केलेले असतात किंवा आपण कस्टमाईज देखील करू शकता.

ग्रीटिंग्ज मॅसेज

व्हॉट्सअ‍ॅप बिझनेस खात्यातील आणखी एक चांगले वैशिष्ट्य म्हणजे ग्रीटिंग मॅसेज, ज्यात आपण आपल्या जुन्या ग्राहकाशी संपर्क साधू शकता. या वैशिष्ट्यामध्ये आपण मॅसेज जतन करू शकता आणि जर 14 दिवसांत कोणत्याही ग्राहकाकडे कोणतेही मॅसेजिंग झाले नाही तर 14 दिवसानंतर जतन केलेला मॅसेज निघून जाईल. आपण सेटिंग्जमध्ये ग्रीटिंग मॅसेज सक्षम किंवा अक्षम करू शकता.

क्विक रिप्लाय

व्हॉट्सअ‍ॅप बिझनेस खात्यातील आणखी एक वैशिष्ट्य म्हणजे क्विक रिप्लाय. बर्‍याच वेळा आपल्याला क्लाईंटला व्यवसायाची माहिती द्यायची असते. यात आपण बर्‍याच ग्राहकांना एकाच वेळी व्यवसायाची माहिती देऊ शकता. क्विक रिप्लाय हे खूप सोपे आणि सोयीस्कर वैशिष्ट्य आहे. (This feature will grow your business on WhatsApp, know how to create a business account)

इतर बातम्या

20 हजारांपेक्षा कमी किमतीत खरेदी करा सेकंड हँड बाईक, फक्त करा एक काम

पंख्याला तीन पाती का असतात? जाणून घ्या याचे उत्तर