इंटरनेटशिवाय गुगल मॅप्स कसे वापरायचे? जाणून घ्या सोपा मार्ग
गुगल मॅप्सच्या ऑफलाइन वैशिष्ट्यामुळे प्रवासात अडचणी येत नाहीत. विशेषतः ते पर्यटक, ट्रकचालक आणि दुर्गम भागांमध्ये प्रवास करणाऱ्यांसाठी खूप उपयुक्त ठरते. तुमच्या फोनवर एक सोपा सेटअप करून, तुम्ही इंटरनेटशिवाय मार्गदर्शन मिळवू शकता आणि तुमचा प्रवास अधिक सोपा बनवू शकता.
गुगल मॅप्स हे आजच्या काळात प्रवासासाठी एक अत्यंत उपयुक्त साधन बनले आहे. इंटरनेट कनेक्शन नसेल तरीही तुम्ही गुगल मॅप्सचा वापर करू शकता. ग्रामीण आणि शहरी भागात जिथे इंटरनेट कनेक्टिव्हिटी स्थिर नसते, तिथे ऑफलाइन मॅप्स खूप उपयुक्त ठरतात. ऑफलाइन मॅप्सच्या सहाय्याने तुम्ही तुमच्या गंतव्यस्थानी सहज पोहोचू शकता, आणि इंटरनेटशिवाय देखील दिशा शोधू शकता.
ऑफलाइन मॅप्स कसे डाउनलोड करायचे?
१. गुगल मॅप्स ॲप उघडा: सर्वप्रथम तुमच्या स्मार्टफोनवर गुगल मॅप्स ॲप उघडा. २. गुगल खात्यात लॉग इन करा: तुमच्या गुगल खात्यात लॉग इन झालंय का ते तपासा. ३. ठिकाण शोधा: ज्या शहराचं किंवा भागाचं नकाशा ऑफलाइन पाहायचा आहे, ते शोधा. ४. भाग निवडा आणि डाउनलोड करा: नकाशावर झूम इन किंवा आउट करून हव्या त्या भागाचे आकार समायोजित करा. नंतर ‘डाउनलोड’ किंवा ‘ऑफलाइन मॅप डाउनलोड’ पर्यायावर टॅप करा. ५. स्मार्टफोनमध्ये स्टोरेज तपासा: मोठ्या नकाशासाठी अधिक जागा लागते, त्यामुळे फोनच्या स्टोरेज चेक करा. ६. डाउनलोड प्रक्रिया पूर्ण करा: डाउनलोड बटणावर टॅप करा आणि नकाशा डाउनलोड होऊ द्या. डाउनलोड पूर्ण झाल्यावर तुम्हाला सूचना मिळेल.
ऑफलाइन मॅप्स वापरण्याची सोपी पद्धत:
१. ऑफलाइन मॅप्स पाहा: गुगल मॅप्स ॲप उघडा, आणि प्रोफाइल फोटोवर टॅप करा. ‘ऑफलाइन मॅप्स’ पर्याय निवडा. २. मॅप्स अपडेट करा: ऑफलाइन मॅप्सची मुदत संपल्यावर, तुम्हाला ते अपडेट करण्याची आवश्यकता असू शकते. अपडेट करण्यासाठी, त्या नकाशावर टॅप करा आणि ‘अपडेट’ पर्याय निवडा.
महत्त्वाची टीप: ऑफलाइन मोडमध्ये रिअल-टाइम ट्रॅफिक माहिती किंवा लाइव्ह नेव्हिगेशन उपलब्ध नाही.
