देशी ब्रँडची युकेत धमाकेदार एण्ट्री, लाँच केला 5000mAh बॅटरी आणि 50MP सेल्फी कॅमेरा फोन

देशी ब्रँड Lava ने आता विदेशी मार्केटमध्ये प्रवेश केला आहे. लाव्हाने त्यांचा पहिला 5G फोन यूकेत लाँच केला आहे. लाव्हा अग्नि सिरीजचा हा फोन 5000mAh दमदार बॅटरीचा आहे. 50MP कॅमेरा फिचर्ससह बाजारात उतरवण्यात आला आहे. Lava Agni 4N खास करुन बजेट फ्रेंडली, बॅटरी सेंट्रिक फोन म्हणून लाँच करण्यात आला आहे.

Lava Agni 4N 5G ची किंमत किती ?

लाव्हाचा हा फोन युकेत एकाच स्टोरेज व्हेरिएंटमध्ये सादर करण्यात आला आहे. हा फोन 8GB रॅम आणि 256GB स्टोरेजसह येतो. या फोनची किंमत 499 पाऊंड म्हणजे सुमारे 64,142 रुपये ठेवण्यात आली आहे. या फोनला दोन कलर ऑप्शनमध्ये Phantom Black आणि Lunar Mist मध्ये सादर करण्यात आला आहे. कंपनीने फोनवर 24 महीन्यांपर्यंतची रिप्लेसमेंट वॉरंटी ऑफर केली आहे. तसेच 12 महीन्यांची बॅटरी आणि 6 महीन्यांची डेटा केबल वॉरंटी ऑफर केली आहे.

Lava Agni 4N चे फीचर्स

देशी कंपनीच्या या फोनमध्ये 6.67 इंचाचा AMOLED डिस्प्ले आहे. जो 1.5K रेजलूशनला सपोर्ट करते. या फोनला डिस्प्ले 120Hz रिफ्रेश रेट आणि 2400 निट्सपर्यंत पिक ब्राईटनेसला सपोर्ट करते. याच्या प्रोटेक्शनसाठी कॉर्निंग गुरिल्ला ग्लास 5 मिळते. हा स्मार्टफोन MediaTek Dimensity 8350 चिपसेटवर काम करतो. फोनमध्ये 8GB LPDDR5X रॅम आणि 256GB UFS 4.0 स्टोरेज सपोर्ट मिळतो.

लाव्हाच्या या फोनला Android 16 ऑपरेटिंग सिस्टीमसह लाँच केले आहे. फोनमध्ये स्टॉक एंड्रॉईड दिला आहे. कंपनी फोनसोबत दोन वर्षांपर्यंत ऑपरेटिंग सिस्टी आणि 3 वर्षांपर्यंत सिक्युरिटी अपडेट ऑफर करत आहे. या फोनच्या मागच्या बाजूला ड्युअल कॅमेरा सेटअप दिलेला आहे. फोनमध्ये 50MP चा मुख्य OIS कॅमेरा आहे. या सोबत 8MPचा अल्ट्रा वाईड कॅमरा दिलेला आहे. सेल्फी आणि व्हिडीओ कॉलिंगसाठी यात 50MP चा सेल्फी कॅमेरा दिलेला आहे.

या फोनमध्ये इन-डिस्प्ले फिंगरप्रिंट सेंसर देण्यात आला आहे. तसेच कनेक्टिव्हिटीसाठी WiFi 6E, 5G, Bluetooth 5.4 सारखे फिचर्स दिले आहेत. फोनमध्ये 5000mAh ची बॅटरी देण्यात आली आहे. ज्यासोबत 66W फास्ट चार्जिंग फीचर मिळते. फोनमध्ये USB Type C चार्जिंग सपोर्ट मिळते, हा फोन IP64 रेटेड आहे.