वनप्लस मोठ्या लाँचिंगच्या तयारीत, Nord 6 पासून Buds Pro 4 पर्यंत अनेक प्रोडक्ट लवकरच बाजारात होणार दाखल
OnePlus च्या नवीन रोडमॅपमध्ये Nord 6 आणि Buds Pro 4 सारख्या डिव्हाइसेस लाँच होण्याच्या तयारीत करत आहे. पहिली लाँचिंग लाट मार्चच्या अखेरीस किंवा एप्रिलच्या सुरुवातीला होण्याची शक्यता आहे. चला तर मग आजच्या लेखात आपण याबद्दल जाणून घेऊयात.
स्मार्टफोन ब्रँड असलेल वनप्लस कंपनी या वर्षी वापरकर्त्यांसाठी काही डिव्हाइसेस प्रोडक्ट बाजारपेठेत आणण्याची तयारी करत असल्याचे दिसून येत आहे. एका नवीन लीकनुसार, कंपनी येत्या आठवड्यात भारतात स्मार्टफोन, ऑडिओ वेअरेबल्स आणि प्रीमियम टॅब्लेटसह अनेक डिव्हाइसेस लाँच करण्याची अपेक्षा आहे. ही लाइनअप वेगवेगळ्या किंमत विभागांना टारगेट करेल असे मानले जाते. कंपनीने अद्याप अधिकृतपणे पुष्टी केलेली नसली तरी, लाँचच्या चर्चा आधीच सर्वत्र होत आहे.
मार्च-एप्रिलमध्ये पहिल लाँचिंग होण्याची अपेक्षा
टिपस्टर यांच्या मते, वनप्लस येत्या काही दिवसांमध्ये मल्टी-कॅटेगरी लाँच करण्याची योजना करत आहे. अहवालात असे सूचित केले आहे की मार्चच्या अखेरीस आणि एप्रिलच्या सुरुवातीस काही प्रोडक्ट लाँच होऊ शकतात. या टप्प्यात कंपनी वेगवेगळ्या किंमतीच्या रेंजमध्ये डिव्हाइसेस सादर करू शकते.
OnePlus Nord 6 ला फ्लॅगशिपसारखी पॉवर
लीक्सनुसार, OnePlus Nord 6 आधीच अनेक सर्टिफिकेशन आणि बेंचमार्क साइट्सवर दिसला आहे. त्यात स्नॅपड्रॅगन 8s Gen 4 प्रोसेसर, 12GB RAM आणि Android 16 असण्याची शक्यता आहे. कॅमेरा सेटअपमध्ये 50MP चा मुख्य सेन्सर असण्याची अपेक्षा आहे. फोनमध्ये 80W वायर्ड फास्ट चार्जिंग सपोर्ट देखील असू शकतो.
OnePlus 15s परत येतो आणि संभाव्य वैशिष्ट्ये
OnePlus 15s रद्द होण्याची चर्चा झाली होती, परंतु एका नवीन अहवालात हा फोन पुन्हा बाजारपेठेत सादर केला जाण्याची शक्यता आहे. हा आगामी OnePlus 15T चा रिब्रँडेड व्हर्जन असण्याची शक्यता आहे. फोनमध्ये ड्युअल रिअर कॅमेरा सेटअप, 6.31-इंचाचा OLED डिस्प्ले आणि स्नॅपड्रॅगन 8 एलिट जेन 5 चिपसेट असण्याची अपेक्षा आहे. कॅमेरा हार्डवेअरमध्ये काही बदल देखील शक्य आहेत.
बड्स प्रो 4 आणि नवीन टॅबलेट
वनप्लस देखील आपला ऑडिओ सेगमेंट मजबूत करण्याची तयारी करत आहे. अहवालांनुसार कंपनी Buds Pro 3 चा सक्सेसर म्हणून वनप्लस बड्स प्रो 4 सादर करू शकते, जरी त्याचे स्पेसिफिकेशन्स अद्याप सांगितले नाहीत. हे लक्षात घेण्यासारखे आहे की वनप्लस बड्स 4 जुलै 2025 मध्ये भारतात 5 हजार 999 रुपयांना लाँच झाला होता, ज्यामध्ये ड्युअल ड्रायव्हर्स, हाय-रेझ ऑडिओ आणि 55 dB पर्यंत ANC आहे. तसेच कंपनी या लाइनअपमध्ये एक प्रीमियम टॅबलेट आणि एक नवीन बजेट फोन देखील ग्राहकांसाठी लाँच करू शकते.
