PM Modi: इन्स्टावर मोदींचा डंका…तरुणाईच्या गळ्यातील ताईत, 10 कोटी फॉलोअर्स असलेले जगातील पहिले नेते, ट्रम्प यांना टाकले मागे

PM Modi on Instagram: पंतप्रधान नरेंद्र मोदी यांनी इन्स्टाग्रामवर 100 दशलक्ष म्हणजे 10 कोटी फॉलोअर्सचा आकडा पार केला आहे. हा एक विश्व विक्रम आहे. असा जागतिक रेकॉर्ड करणारे ते एकमेव नेते आहेत. त्यांनी 2014 मध्ये इन्स्टाग्राम खाते उघडले होते. तेव्हापासून त्यांची सोशल मीडियावरील लोकप्रियता वाढत गेली. आज ते लोकप्रियतेच्या शिखरावर पोहचले आहेत. ते समाज माध्यमावरील एक प्रभावशाली आणि लोकप्रिय नेते असल्याचे अधोरेखित झाले आहे. त्यांनी फॉलोअर्सच्या बाबतीत अमेरिकेचे राष्ट्राध्यक्ष डोनाल्ड ट्रम्प यांना सुद्धा मागे टाकले आहे.

पंतप्रधान नरेंद्र मोदी हे सोशल मीडियावर सक्रिय असतात. तर या प्लॅटफॉर्मवर ते अनेकदा संवाद साधतात. विविध विषयांवर त्यांचे विचार मांडतात. त्यांची विविध विषयांवर सडेतोड विचार हे तरुणाईला आवडतात. त्यामुळे ते त्यांच्या गळ्यातील ताईत झाले आहेत. इन्स्टाग्राम हा तरुणाईचा प्लॅटफॉर्म मानल्या जातो. पंतप्रधान मोदी यांच्या काळात डिजिटल इंडियाने मोठी भरारी घेतली. 2014 ते 2026 पर्यंत कोट्यवधी भारतीयांकडे स्मार्टफोन आणि इंटरनेट आले. डिजटली ते त्यांच्या विचारांना व्यक्त करतात.

डोनाल्ड ट्रम्प यांना टाकले मागे

इन्स्टाग्रामवर फॉलोअर्सबाबतीत पंतप्रधान नरेंद्र मोदी यांचा डंका वाजला. त्यांच्यानंतर या प्लॅटफॉर्मवर अमेरिकेचे राष्ट्राध्यक्ष डोनाल्ड ट्रम्प यांचा क्रमांक आहे. त्यांचे 43.2 दशलक्ष फॉलोअर्स आहेत. त्यानंतर तिसर्‍या क्रमांकावर इंडोनेशियाचे राष्ट्रपती प्रबोवो सुबियांतो हे 15 दशलक्ष, ब्राझीलचे राष्ट्रपती लूला हे 14.4 दशलक्ष, तुर्कीचे राष्ट्रापती रजब तैयप एर्दोगान यांचे 11.6 दशलक्ष तर अर्जेंटिनाचे राष्ट्रपती जेवियर मिलेई यांचे 6.4 दशलक्ष फॉलोअर्स आहेत.

एकूण 1205 पोस्ट

पंतप्रधान नरेंद्र मोदी यांनी इस्टाग्रामवर आतापर्यंत 1205 पोस्ट केल्या आहेत. पंतप्रधान इन्स्टाग्रामवर कुणालाच फॉलो करत नाहीत. पण त्यांना फॉलो करणाऱ्यांचा आकडा हा 10 कोटींच्या पुढे गेला आहे. पंतप्रधान मोदी यांना फॉलो करणाऱ्यांचा आकडा 10 कोटीहून अधिक आहे. त्यावरून ते जगभरात लोकप्रिय, प्रभावशाली आणि प्रसिद्ध नेते असल्याचे यावरून समोर आले आहेत. नरेंद्र मोदी हे तरुणाईच्या गळ्यातील ताईत आहेत. इन्स्टाग्राम हा तरुणाईचा सर्वात मोठा प्लॅटफॉर्म मानल्या जातो.