सोशल मीडियावर या ललना करतील घात, राहा चार हात लांब

Honey Trap | आता अर्ध्यांहून अधिक जग सोशल मीडियावर आले आहे. कोणत्या ना कोणत्या प्लॅटफॉर्मवर तुम्ही असालच. पण सोशल मीडियाचा वापर करताना सावध राहणे आवश्यक आहे. सुंदर मुलींच्या फ्रेंड रिक्वेस्टला भुरळून जाऊ नका. तुम्हाला जाळ्यात अडकविण्यासाठीची तो पहिला हुकमी एक्का फेकण्यात येतो. नंतर हळूहळू हनी ट्रॅपमध्ये ती व्यक्ती अडकते.

KALYAN DESHMUKH | Updated on: Dec 22, 2023 | 4:46 PM

नवी दिल्ली | 22 डिसेंबर 2023 : सोशल मीडियावर आता अर्ध्यांहून अधिक जग दिवस रात्र काही ना काही करत असते. लाईक्स, कमेंट्स, पोस्ट असा खेळ सुरु असतो. या अभासी जगात अनेक अनोळखी लोक एकमेकांना भेटतात. पण सोशल मीडियावरील एक चूक महागात पडू शकते. सुंदर मुलीच्या रिक्वेस्टवर तर अनेकांना आकाश ठेंगणे होते. पण कदाचित येथूनच Honey Trap सुरु होते. हा सुंदर प्रवास पुढे मायाजालात अडकवतो. तिथे ब्लॅकमेलिंगला सुरुवात होते. अनेकांचे आयुष्य उद्धवस्त होते. तेव्हा सावज होण्याऐवजी सावध व्हा.

Cyber Dost ने केले अलर्ट

मायक्रोब्लॉगिंग प्लेटफॉर्म X वर सरकारचे अधिकृत खाते Cyber Dost ने एक पोस्ट करुन युझर्सला अलर्ट केले आहे. सोशल मीडियावर हनी ट्रॅपपासून सतर्क राहण्याचा सल्ला देण्यात आला आहे. त्यांनी समाज माध्यमावर कोणत्या चुका टाळाव्यात आणि कसे सतर्क राहावे याची माहिती दिली आहे. हनी ट्रॅपमध्ये कसे अडकविण्यात येते याची माहिती दिली आहे.

हनी ट्रॅप म्हणजे काय ?

हनी ट्रॅप एक मायाजाल आहे. याठिकाणी काही महिलांच्या मध्यस्थीने पुरुषांना फसविण्यात येते. महिला गोडीगुलाबीने पुरुषांना जाळ्यात ओढतात. त्यांचे व्हिडिओ, फोटो शेअर करुन, गप्पा द्वारे सावज ओढण्यात येते. त्यानंतर त्यांना फसविण्यात येते. ब्लॅकमेलिंग करण्यात येते. समाजात, नातेवाईकांमध्ये बदनाम करण्याची धमकी देत त्यांच्याकडून मोठी रक्कम वसूल करण्यात येते.

Protect yourself from honey traps. Stay cautious and safeguard yourself in the virtual meeting world of social media.#CyberSafeIndia #StayAware #StayCyberWise #I4C #MHA #Dial1930 #Thrusday #GoogleIndia pic.twitter.com/x1IFvsHudc

— Cyber Dost (@Cyberdost) December 21, 2023