12 GB रॅम आणि 6700mAh बॅटरी असलेला हा फोन लाँच, Samsung-iQOO च्या स्मार्टफोनला देईल दमदार टक्कर

ओप्पोच्या रेनो सिरीजने ओप्पो रेनो 16 आणि ओप्पो रेनो 16सी लाँच केले आहेत. ओप्पो रेनो 16 मध्ये क्वालकॉम स्नॅपड्रॅगन प्रोसेसर, मोठी बॅटरी आणि सोनीचा कॅमेरा सेन्सर आहे. या नवीन ओप्पो फोनची किंमत 62 हजार ते 68 हजार रुपयांच्या दरम्यान आहे. चला तर मग या फोनची योग्य किंमत आणि फिचर्स काय आहेत ते आपण आजच्या लेखात जाणून घेऊयात.

भारतात ओप्पो रेनो 16 ची किंमत

या ओप्पो फोनच्या 8GB आणि 256GB बेस व्हेरिएंटची किंमत 61 हजार 999 रूपये आहे. 12GB रॅम आणि 256GB स्टोरेज असलेल्या टॉप व्हेरिएंटची किंमत 67 हजार 999 रूपये असेल. हा नवीन ओप्पो स्मार्टफोन 9 जुलै रोजी ॲमेझॉन, फ्लिपकार्ट आणि ओप्पो इंडियाच्या ऑनलाइन स्टोअरवर विक्रीसाठी उपलब्ध होईल. तुमच्याकडे एचडीएफसी किंवा एसबीआय क्रेडिट कार्ड असल्यास, तुम्हाला फोन खरेदीवर 10% टक्के इन्स्टंट कॅशबॅक देखील मिळेल. स्पर्धेच्या बाबतीत हा नवीन ओप्पो स्मार्टफोन Samsung Galaxy S25 5G, IQOO 15 5G, Samsung Galaxy S25 Edge 5G, Google Pixel 10 सारख्या मॉडेल्सशी स्पर्धा करेल.

ओप्पो रेनो 16 ची वैशिष्ट्ये

ओएस: हा ड्युअल सिम फोन Android 16 वर आधारित ColorOS 16 वर चालतो.

स्क्रीन: या ओप्पो फोनमध्ये 6.32-इंचाचा AMOLED डिस्प्ले असून त्याचा रिफ्रेश रेट 120Hz पर्यंत आणि कमाल ब्राइटनेस 3500 nits पर्यंत आहे.

चिपसेट: या हँडसेटमध्ये स्नॅपड्रॅगन 7th जनरेशनच्या 4 ऑक्टा-कोर प्रोसेसर असून, त्याला 12GB पर्यंत LPDDR5x रॅम आणि 256GB UFS 3.1 स्टोरेज जोडलेले आहे.

कॅमेरा: या फोनमध्ये ट्रिपल रियर कॅमेरा सेटअप आहे, ज्यामध्ये OIS सह 50-मेगापिक्सलचा प्रायमरी सोनी LYT-600 सेन्सर, 50-मेगापिक्सलचा अल्ट्रा-वाइड-अँगल कॅमेरा आणि 50-मेगापिक्सलचा टेलीफोटो कॅमेरा यांचा समावेश आहे. सेल्फीसाठी, 50-मेगापिक्सलचा फ्रंट कॅमेरा आहे.

कनेक्टिव्हिटी: या फोनमध्ये 4G LTE, 5G, ब्लूटूथ व्हर्जन 5.4, ड्युअल बँड वाय-फाय, जीपीएस, यूएसबी टाइप सी पोर्ट आहे. बॅटरी: 6700 mAh क्षमतेची बॅटरी दिली आहे, जी 80 W वायर्ड फास्ट चार्जिंगला सपोर्ट करते.