या सोप्या ट्रिक्स वापरा आणि फोनच्या फिंगरप्रिंटने ओपन करा लॅपटॉपचा लॉक

आजच्या डिजिटल युगात भारतीय बाजारपेठेत अनेक लॅपटॉप उत्पादक त्यांचे लॅपटॉप फिंगरप्रिंट अनलॉक फीचरसह बाजारात आणत आहेत. पण पूर्वी ही फिचर सुविधा लॅपटॉपवर उपलब्ध नव्हती, त्यामुळे जुने लॅपटॉप वापरकरर्त्यांना या सुविधेचा लाभ घेता येत नव्हता. जर तुम्हाला तुमचा लॅपटॉप तुमच्या फिंगरप्रिंटने अनलॉक करायला असेल तर तुम्हाला लॅपटॉपमध्ये कोणत्याही फिंगरप्रिंट हार्डवेअर असण्याची गरज नाही. तुम्ही तुमच्या स्मार्टफोनच्या फिंगरप्रिंटचा वापर करून तो सहजपणे अनलॉक करू शकता.

हे करण्यासाठी तुमच्या फोनमध्ये आणि लॅपटॉपमध्ये हे एक ॲप डाउनलोड करा. यामुळे तुमच्या स्मार्टफोनच्या फिंगरप्रिंटचा वापर करून दोन्हीपैकी कोणतेही उपकरण अनलॉक करणे सोपे होते. चला तर मग स्मार्टफोनच्या मदतीने लॅपटॉप कशा प्रकारे अनलॉक करू शकतो त्याबद्दल जाणून घेऊयात.

तुमच्या स्मार्टफोनवर हे ॲप डाउनलोड करा

तुमच्या स्मार्टफोनवरून तुमचा लॅपटॉप किंवा कॉम्प्युटर अनलॉक करण्यासाठी, गुगल प्ले स्टोअरवर Bio Unlock सारखे अनेक ॲप्स उपलब्ध आहेत. जसे की त ‘रिमोट फिंगरप्रिंट अनलॉक’ ॲप आहे. हे सर्व वापरकर्त्यांसाठी विनामूल्य उपलब्ध आहे. याच्या मदतीने तुम्ही कोणताही कॉम्प्युटर व लॅपटॉप फिंगरप्रिंटने सहजपणे लॉक करू शकता. शिवाय, लॅपटॉपमध्ये फिंगरप्रिंट फीचर असण्याची गरज नाही. तुम्ही ॲपच्या सेटिंग्जमध्ये जाऊन लॉक करू शकता. महत्वाचे म्हणजे हे ॲप्स तुमच्या फोन आणि लॅपटॉपवर दोन्हींवर डाऊनलोड करणे आवश्यक आहे.

हे ॲप्स तुमच्या लॅपटॉपवर इन्स्टॉल करा. त्यानंतर ॲपद्वारे तुमचा स्मार्टफोन आणि लॅपटॉप कनेक्ट करण्यासाठी तुम्हाला दोन्ही डिव्हाइस वाय-फाय किंवा ब्लूटूथसारख्या एकाच नेटर्वकशी कनेक्ट करणे आवश्यक आहे.

कनेक्ट केल्यानंतर तुमचा लॅपटॉप लॉक करा आणि तुमच्या मोबाईलमधील ॲप तपासा की त्यात तुमच्या लॅपटॉपचे किंवा कॅम्प्युटरचे नाव दिसत आहे की नाही.

त्यानंतर स्टेप बाय स्टेप प्रोसेस फॉलो करून एकदा सर्व सेटिंग्ज झाल्यावर तुम्हाला ॲप उघडावे लागेल. त्यानंतर तुम्ही फोनच्या फिंगरप्रिंट सेन्सरला स्पर्श करून लॅपटॉप अनलॉक करू शकता. या ॲपमुळे महागड्या लॅपटॉपमधील फिंगरप्रिंट अनलॉक फीचर आता सामान्य लॅपटॉपवरही वापरता येते. यामुळे वारंवार पासवर्ड टाकण्याचीही गरज भासत नाही.