व्हिवोने आणला नवा फोन, 50 मेगापिक्सेल कॅमेरा, स्नॅपड्रॅगन प्रोसेसर अन् बरंच काही, जाणून घ्या किंमत किती
विवोने त्यांचा नवीन V60 Lite 4G स्मार्टफोन लाँच केला आहे. हा मागील मॉडेलचा अपडेटेड व्हर्जन आहे, जो आता स्नॅपड्रॅगन 6s Gen 2 4G चिपसेटने सुसज्ज आहे. चला तर मग आजच्या लेखात या फोनची किंमत आणि फिचर्स जाणून घेऊयात.
विवो कंपनीने त्यांचा एक नवीन फोन लाँच केला आहे. ज्याला कंपनीने त्यांच्या 4जी स्मार्टफोनची रिफ्रेश व्हर्जन म्हणून V60 Lite 4G सादर केला आहे. कंपनीने सप्टेंबर 2025 मध्ये या फोनची पहिले व्हर्जन लाँच केले होते. मात्र आता अपडेटेड मॉडेलमध्ये नवीन स्नॅपड्रॅगन 6एस जेन 2 4जी चिपसेट आहे, जो मागील स्नॅपड्रॅगन 685 व्हर्जनची जागा घेत आहे.
तर विवोच्या या नवीन हँडसेटचे उर्वरित स्पेसिफिकेशन मोठ्या प्रमाणात सारखेच असल्याचे दिसून येते. कंपनीने अद्याप डिव्हाइसची किंमत जाहीर केलेली नाही. हा फोन Android 15-आधारित Funtouch OS 15 वर चालतो आणि त्यात मोठा AMOLED डिस्प्ले आहे. यात ड्युअल रिअर कॅमेरे आणि जलद चार्जिंग सपोर्ट देखील आहे. तर आजच्या लेखात आपण या फोनचे फिचर्स जाणून घेऊयात.
Vivo V60 Lite 4G (2026) ची फिचर्स
स्पेसिफिकेशन्सच्या बाबतीत, या Vivo फोनमध्ये 6.77-इंचाचा फुल-एचडी+ AMOLED डिस्प्ले आहे जो 120Hz पर्यंतच्या रिफ्रेश रेटला सपोर्ट करतो. फोन 1800 निट्स पर्यंतची पीक ब्राइटनेस देखील आहे. हा फोन स्नॅपड्रॅगन 6s Gen 2 4G चिपसेटद्वारे समर्थित आहे, जो 8GB LPDDR4x रॅम आणि 256GB UFS 2.2 ऑनबोर्ड स्टोरेजसह जोडलेला आहे.
Vivo V60 Lite 4G (2026) कॅमेरा स्पेसिफिकेशन
कॅमेऱ्यांच्या बाबतीत बोलायचे झाले तर या फोनमध्ये 50-मेगापिक्सेलचा प्रायमरी कॅमेरा आणि मागील बाजूस 8-मेगापिक्सेलचा अल्ट्रा-वाइड लेन्स आहे. समोर 32-मेगापिक्सेलचा सेल्फी कॅमेरा आहे. शिवाय फोन 8 जीबी पर्यंत एक्सटेंडेड रॅमला सपोर्ट करतो. तथापि फोन अजूनही फनटच ओएस 15 वर चालवतो, जो अँड्रॉइड 15वर आधारित आहे.
या डिव्हाइसमध्ये 90 वॅट वायर्ड फास्ट चार्जिंग सपोर्टसह 6500 एमएएच बॅटरी देखील आहे. कनेक्टिव्हिटी पर्यायांमध्ये 4जी, वाय-फाय, जीपीएस, ओटीजी, ब्लूटूथ आणि यूएसबी टाइप-सी पोर्टचा समावेश आहे. सुरक्षेसाठी, इन-डिस्प्ले फिंगरप्रिंट सेन्सर आहे.
