गॅस संपला तर अनोखा जुगाड! बापरे, हीटर रॉडने अन्न शिजवलं, टेक्निक व्हायरल
सोशल मीडियवर एक व्हिडीओ व्हायरल होत आहे. या व्हिडीओमध्ये गॅस स्टोव्हऐवजी स्टीलच्या भांड्यात भाज्या शिजवल्या जात आहेत, पण इथे खाली गॅसची ज्योत ठेवण्याऐवजी, भांड्यात वरून एक हीटर रॉड घातला आहे.
देशाच्या अनेक भागांत एलपीजी गॅसच्या कमतरतेच्या समस्या समोर येत आहेत. अनेक ठिकाणी गॅसच्या पुरवठ्यात अडचणी येत असल्याने लोक हैराण झाले आहेत. मात्र, गॅसच्या चर्चेमध्ये सोशल मीडियावर एक असा व्हिडीओ व्हायरल होत आहे ज्याने लोकांना आश्चर्यचकित केले आहे आणि विचार करायला भाग पाडले आहे. या व्हिडीओमध्ये हिटर रॉडने जेवण कसे बनवायचे हे दाखवण्यात आले आहे.
सोशल मीडियावर व्हायरल झालेला हा व्हिडीओ इंस्टाग्रामवर @vasudevahimank या अकाउंटवरून शेअर करण्यात आला आहे. या व्हिडीओमध्ये गॅस संपल्यानंतरही जेवण बनवण्यासाठी एका टेक्निशियनने केलेला अनोखा जुगाड दाखवण्यात आला आहे, ज्याने सर्वजण थक्क झाले आहेत.
गॅस संपला? हीटर रॉड ऑन!
व्हायरल व्हिडीओमध्ये स्वयंपाकघरातील दृश्य दिसत आहे. गॅसच्या जागी स्टीलच्या भांड्यात भाजी शिजत आहे. पण सर्वात आश्चर्यकारक गोष्ट म्हणजे, खाली गॅसची ज्योत नाही, तर वरून एक इमर्शन हीटर रॉड थेट भांड्यात बुडवलेला आहे. हीटर रॉड गरम होताच ग्रेव्हीत उकळी फुटते आणि भाजी शिजू लागते. व्हिडीओवर लिहिले आहे की, “गॅस गॉन, हीटर रॉड ऑन.” म्हणजे गॅस संपल्यानंतर हा जुगाड वापरला गेला आहे.
View this post on Instagram
देशाच्या काही भागांत एलपीजी पुरवठ्यात विलंब होत असताना लोक असे वेगवेगळे जुगाड करत आहेत. मात्र, हा व्हिडीओ व्हायरल झाल्यानंतर अनेक यूजर्सनी याला धोकादायक ठरवले आहे. त्यांचे म्हणणे आहे की, हीटर रॉड फक्त पाणी गरम करण्यासाठी बनवलेला असतो, अन्न शिजवण्यासाठी नाही. यामुळे करंट लागण्याचा किंवा स्वच्छतेच्या समस्या निर्माण होण्याचा धोका असतो.
सोशल मीडियावर मजेदार रिएक्शन
या व्हिडीओवर सोशल मीडियावर कमेंट्सचा पाऊस पडला आहे. एका यूजरने मजेशीर अंदाजात, “या जुगाडाला पाहून इंडक्शन कॉर्नर रडत असेल कदाचित” असे म्हटले आहे. तर दुसऱ्या एका यूजरने “भाऊ, हात घालून चेक कर की टेस्ट कसा आहे” असे म्हटले आहे. तर बाकी यूजरने, “ही ग्रेव्ही खायची की यात आंघोळ करायची?”, “हॅकर्स आहे भाई हॅकर्स!”, “गॅस पाइप लावूनही हे हाल?”, “भाऊ प्लीज लवकर नमक चेक करून घ्या”, “पागल बनवत आहे आपल्याला गॅस पाइपलाइन लावून.”
हा व्हिडिओ लोकांना हसवत असला तरी, अनेकजणांनी सुरक्षिततेच्या मुद्द्यावर चिंता व्यक्त केली आहे. गॅसच्या कमतरतेच्या काळात असे जुगाड लोकांच्या मजबुरीचे प्रतीक ठरत आहेत, पण तज्ज्ञांनी अशा पद्धती टाळण्याचा सल्ला दिला आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच काहीही करण्यापूर्वी तज्ञांचा सल्ला घ्या)
