Chandra song : अशी लचकत, मुरडत, झुलवत ‘ही’ नववधू आली! स्वत:च्याच लग्नात ‘चंद्रा’ होऊन थिरकली..! Video Viral
अमृता खानविलकर आणि आदिनाथ कोठारे यांची प्रमुख भूमिका असलेल्या या सिनेमात चंद्रा ही लावणी असून अमृता खानविलकरने यावर नृत्य केले आहे. आता नववधूंनादेखील या गाण्याने भुरळ घातली आहे. तिने केलेल्या डान्स स्टेप्सना लग्नात उपस्थित असलेल्यांनी आणि विशेषत: तरुणांनी चांगलीच दाद दिली.
पुणे : चंद्रमुखी सिनेमातील चंद्रा (Chandra song Chandramukhi movie) या गाण्याने सध्या राज्यात धुमाकूळ घातला आहे. या गाण्यावर नाचण्याचा मोह अनेकांना आवरत नाही, हे व्हायरल होत असलेल्या व्हिडिओंमधून दिसून येत आहे. असाच मोह एका नववधूलादेखील आवरता आला नाही. नववधूने चंद्रा या गाण्यावर स्वतःच्याच लग्नात भन्नाट डान्स केला आहे. नववधूचा (Bride) हा डान्स सध्या सोशल मीडियावर तुफान व्हायरल झाला आहे. हा व्हिडिओ राज्यातल्या नेमक्या कोणत्या ठिकाणचा आहे, हे समजू शकले नाही. मात्र या नववधूचा हा व्हिडिओ सोशल मीडियावर सध्या चांगलाच धुमाकूळ घालताना पाहायला मिळत आहे. चंद्रमुखी सिनेमात हे गाणे अमृता खानविलकरवर (Amruta Khanvilkar) चित्रित झाले आहे. यावर तिने आपल्या अदांनी प्रेक्षकांना घायाळ केले. आता या गाण्यावर अनेकजणी थिरकताना दिसत आहेत.
स्वत:च्याच लग्नात मनसोक्त नाच
साधारणपणे लग्नात नववधू आणि वर यांचे नातेवाईक आणि मित्रमंडळी मनसोक्त नाचताना आपण पाहत असतो. त्याचे व्हिडिओदेखील सोशल मीडियावर तुफान व्हायरल होत असतात. काही जण तर इतके बेभान होतात, की त्यांना आपण सार्वजनिक ठिकाणी आहोत, याचेही भान राहत नाही. मग हे व्हिडिओ व्हायरल होतात. ते पाहून आपल्याला हसू आल्याशिवाय राहत नाही. लग्नात नातेवाईक आणि मित्रमंडळींचे डान्स तर आपण नेहमीच पाहत असतो. आता चक्क नववधूच नाचत असल्याचा व्हिडिओ व्हायरल झाला आहे. स्वत:च्याच लग्नात ही नववधू अशी काही थिरकलीय, की उपस्थितांनीदेखील दिला दाद दिली.
अशी लचकत, मुरडत, झुलवत आली ‘ही’ नववधू! स्वत:च्याच लग्नात ‘चंद्रा’ होऊन थिरकली..! Video Viral#chandramukhi #bride #dance #chandrasong #amrutakhanvilkar #videoviral अधिक बातम्यांसाठी क्लिक करा https://t.co/pJlmH04UAs pic.twitter.com/ebEyx45Zmx
— TV9 Marathi (@TV9Marathi) June 19, 2022
नववधूंनाही घातली भुरळ
चंद्रमुखी सिनेमा 29 एप्रिलला रिलीज झाला. अमृता खानविलकर आणि आदिनाथ कोठारे यांची प्रमुख भूमिका असलेल्या या सिनेमात चंद्रा ही लावणी असून अमृता खानविलकरने यावर नृत्य केले आहे. सिनेमातील या गाण्याने आधीच राज्यात धुमाकूळ घातला आहे. जवळपास 46 मिलियनहून अधिक व्ह्यूज या गाण्याने अल्पावधीतच मिळवले. आता नववधूंनादेखील या गाण्याने भुरळ घातली आहे. तिने केलेल्या डान्स स्टेप्सना लग्नात उपस्थित असलेल्यांनी आणि विशेषत: तरुणांनी चांगलीच दाद दिली.
