Hdfc Bank : जर, कोणी म्हणालं मी तुझी गर्मी उतरवतो तर मग..HDFC बँकेतील महिला कर्मचाऱ्याने वादावर काय स्पष्टीकरण दिलं?
Hdfc Bank : मला आपली बाजू मांडायची आहे. हा व्हिडिओ 6 जानेवारीचा आहे. आत्ताचा नाहीय. हा कुठल्या कस्टमरचा व्हिडिओ नाहीय. आमच्याकडे जी महिला काम करते, तिने बँकेतून राजीनामा दिला.
कानपूर सिटीच्या पनकी सेक्टर 2 मधील HDFC बँकेतील एक व्हिडिओ व्हायरल झालेला. यात बँकेतील एक महिला कर्मचारी आस्था सिंह कुठल्यातरी महिलेवर चिडलेली दिसली. आस्था सिंह महिला ग्राहकाला फक्त घाणेरड्या शिव्याच देत नव्हती, तर आपल्या जातीचं धाक दाखवण्याचा प्रयत्न करत होती. पण आता आस्था सिंहने यावर स्पष्टीकरण दिलय. ‘मैं ठाकुर हूं’ या वक्तव्याला तिने योग्य ठरवलय. कोण तिच्यासोबत उद्धटपणे वागलं? काय घडलं? ते तिने सर्व सांगितलं. व्हिडिओ चुकीच्या पद्धतीने दाखवला हे सुद्धा आस्था सिंह म्हणाली.
“तुम्ही सर्वांनी माझा व्हिडिओ जरुर पाहिला असेल. तुम्ही एक बाजू ऐकून घेतली. पण मी तुम्हाला आता सत्य काय ते सांगते?. मला आपली बाजू मांडायची आहे. हा व्हिडिओ 6 जानेवारीचा आहे. आत्ताचा नाहीय. हा कुठल्या कस्टमरचा व्हिडिओ नाहीय. आमच्याच बँकेत काम करणाऱ्या एका महिलेच्या पतीसोबत झालेल्या भांडणाचा व्हिडिओ आहे” असं आस्था सिंहने स्पष्टीकरण देताना सांगितलं.
तिला त्याच दिवशी रिलीविंग हवं होतं
“हा व्हिडिओ जो चुकीच्या पद्धतीने पसरवला जातोय. लोक याला जातीच्या अँगलने जोडत आहेत. आमच्याकडे जी महिला काम करते, तिने बँकेतून राजीनामा दिला. तिला त्याच दिवशी रिलीविंग हवं होतं. तिची नणद सकाळपासून येऊन बँकेत बसली होती. महिलेच्या नणदेचं माझ्यासोबत वाजलं होतं. त्याच नणदेने तिच्या भावाला म्हणजे आमच्या बँकेत काम करणाऱ्या महिलेच्या पतीला सर्व सांगितलं” असं आस्था म्हणाली.
तर मग मी सुद्धा गप्प नाही बसणार
“बँक साडेतीन वाजता बंद होते. महिला कर्मचाऱ्याचा पती साडेचार वाजता आला. तो माझ्यासोबत चुकीचं वागला. त्याने थेट माझ्या डेस्कवर येऊन माझी जात विचारली. कुठल्या जातीची आहेस, तुझ्यात जी इतकी गर्मी आहे. मी तुझी सगळी गर्मी उतरवेन. सारी हेकडी काढून टाकेन. त्याने माझ्यासोबत बोलताना चुकीची भाषा वापरली. त्यानंतर मी हे बोलली. माझे शब्द चुकीचे होते. मला माहितीय, मी लोकांच्या सेवेसाठी बसलीय. मला शब्द खूप विचारपूर्वक बोलले पाहिजेत. पण, जर कोणी मला येऊन बोलणार असेल, मी तुझी गर्मी काढतो, तर मग मी सुद्धा गप्प नाही बसणार. मी त्याला म्हटलं मी ठाकूर आहे, हा मी ठाकूर आहे. मला माझ्या जातीचा गर्व आहे” असं आस्था सिंहने आपली बाजू मांडताना सांगितलं.
सोशल मीडियावर हा व्हिडिओ व्हायरल
सोशल मीडियावर हा व्हिडिओ व्हायरल होतोय. लोक बँक व्यवस्थापन आणि कर्मचाऱ्याविरोधात संपात व्यक्त करतायत. पोलिसांचं म्हणणं आहे की, या प्रकरणात अजूनपर्यंत कुठल्याही बाजूने लिखित तक्रार नोंदवलेली नाही. तक्रार मिळाल्यानंतरच या प्रकरणात पुढील कारवाई होईल.
