थायलंडमध्ये सामान चेकइन, मुंबईत येताच बॅगेत फणा काढून.. अधिकाऱ्यांचे हातपाय थरथर कापले
मुंबई विमानतळावर सामान तपासणी दरम्यान, स्क्रीनवर जे दिसले ते पाहून कस्टम अधिकारी घाबरले. या प्रकरणात, कस्टमने एका प्रवाशाला अटक केली आहे.
मुंबईच्या छत्रपती शिवाजी महाराज आंतरराष्ट्रीय विमानतळावर घडलेली ही घटना आहे. कस्टम्स अधिकारी नेहमीप्रमाणे आगमन हॉलमध्ये परदेशातून येणाऱ्या प्रवाशांच्या सामानाची तपासणी करत होते. याचवेळी, ग्रीन चॅनेलवर आलेल्या एका प्रवाशाला कस्टम्स अधिकाऱ्यांनी त्याच्या बॅगची एक्स-रे तपासणी करण्यास सांगितले. एक्स-रे मशीनमध्ये दिसलेल्या प्रतिमेने तिथे उपस्थित काही अधिकाऱ्यांचे हातपाय थरथरू लागले. त्यानंतर झालेल्या तपासणीत समोर आलेली माहिती ऐकून विमानतळावरील अधिकाऱ्यांमध्ये एकच खळबळ उडाली.
मुंबई विमानतळावरील एका वरिष्ठ अधिकाऱ्याने सांगितले की, ही घटना थाईलंडहून आलेल्या एका प्रवाशाशी संबंधित आहे. तपासणीदरम्यान या प्रवाशाच्या नोंदणीकृत बॅगमधून 16 जिवंत साप आढळले. यात गार्टर, राइनो रॅट, अल्बिनो रॅट, केनियन सँड बोआ आणि सीए किंग यांसारख्या दुर्मीळ प्रजातींच्या सापांचा समावेश आहे. या प्रवाशाकडे चौकशी केल्यानंतर हे प्रकरण दुर्मीळ सापांच्या तस्करीशी संबंधित असल्याचे उघड झाले. या प्रकरणाचा खुलासा झाल्यानंतर कस्टम्स अधिकाऱ्यांनी बरामद केलेले साप वनविभागाला सुपूर्द केले आणि आरोपी प्रवाशाला अटक केली.
वाचा: नाग मेल्यावर नागीण 24 तास मृतदेहाजवळ बसून राहिली अन्…; आश्चर्यचकीत करणारी घटना
ही पहिलीच घटना नाही जेव्हा मुंबई विमानतळावर असे प्रकरण समोर आले आहे. यापूर्वीही मुंबई विमानतळावर लुप्त वन्यजीव प्रजातींची तस्करी रोखण्यात आली आहे. 27 मे रोजी अशाच एका प्रकरणात थाईलंडहून आलेल्या दोन प्रवाशांना अटक करण्यात आली होती. त्यांच्या नोंदणीकृत सामानातून 121 विदेशी प्राणी जप्त करण्यात आले होते, ज्यात हिरवी इग्वाना आणि वायगियो स्पॉटेड कुसकुस यांसारखे दुर्मीळ प्राणी होते. त्याचप्रमाणे, 10 जून रोजी आणखी एक तस्करीचे प्रकरण समोर आले होते.
या प्रकरणात, एअर इंडियाच्या फ्लाइट AI-338 ने थाईलंडहून आलेल्या एका प्रवाशाच्या चेक-इन बॅगमधून टॅरेंट्युला कोळी, इग्वाना, शुगर ग्लायडर, सनबर्ड्स, फिंचबिल्स, हनी बेअर आणि कासव आढळले होते. तसेच, 1 जून 2025 रोजीच्या एका घटनेत कस्टम्स अधिकाऱ्यांनी थाईलंडहून आलेल्या एका भारतीय प्रवाशाच्या सामानाची तपासणी केली. त्याच्या बॅगमधून 3 स्पायडर-टेल्ड हॉर्न्ड व्हायपर्स, 5 आशियाई लीफ कासव आणि 44 इंडोनेशियन पिट व्हायपर्स आढळले. हे सर्व प्राणी चेक-इन बॅगमध्ये अत्यंत चतुराईने लपवले गेले होते.
मुंबई कस्टम्स अधिकारी गेल्या काही काळापासून वन्यजीव तस्करीवर कडक नजर ठेवून आहेत. त्यांच्या सतर्कतेमुळे तस्करांचे मनसुबे वारंवार हाणून पाडले आहेत. तज्ज्ञांचे म्हणणे आहे की, काळ्या बाजारात विदेशी प्राण्यांची मागणी खूप जास्त आहे. या दुर्मीळ प्रजातींचे प्राणी पाळीव प्राणी म्हणून किंवा त्यांच्या शरीराच्या अवयवांसाठी विकले जातात. काही लोक हे प्राणी त्यांच्या खासगी संग्रहासाठी खरेदी करतात. आंतरराष्ट्रीय बाजारात या प्राण्यांची किंमत लाखो रुपयांपर्यंत असू शकते.
