Himanshu Jangra : हिमांशू जांग्राची हालत खराब, प्रणित मोरेच्या शो नंतर आयुष्याची कशी वाट लागलीय, त्या बद्दल खुलासा VIDEO
Himanshu Jangra : 370 रुपये बिर्याणीचा किस्सा सांगताना एका मुलीची प्रतिमा मलिन करणाऱ्या हिमांशू जांग्राला आता चांगलीच किंमत चुकवावी लागतेय. तो ज्या कंपनीत कामाला होता, त्याच्या फाऊंडरसोबत बोलताना दिवस कसे बदलून गेलेत, त्या बद्दल खुलासा केलाय.
स्टँड अप कॉमेडियन प्रणित मोरे चा शो खालच्या पातळीच्या विनोदांमुळे वादात सापडला आहे. सोशल मीडियावर प्रणित मोरे आणि त्याच्या शो मध्ये सहभागी झालेल्या दोन स्पर्धकांना मोठ्या प्रमाणात ट्रोल केलं जातय. 370 रुपये बिर्याणीचा किस्सा व्हायरल झाला आहे. प्रणितच्या शो मध्ये आलेला 23 वर्षांचा मुलगा हिमांशू जांग्राने हा बिर्याणीचा किस्सा सांगितला. हिमांशू हा किस्सा सांगताना एका मुलीची प्रतिमा मलिन करत होता. शो चा होस्ट प्रणित आणि अन्य प्रेक्षक हसून, हसून अजून त्याला पुढे सांगण्यासाठी प्रोत्साहन देत होते. मी डेटवर गेलेलो. तिथे मी एका मुलीच्या बिर्याणी प्लेटचं 370 रुपये बिल भरलं. बिल भरलं, तर रिर्टनमध्ये काहीतरी वसूल करणार असं हिमांशुच म्हणणं होतं. हे सांगताना हिमांशूचा मुलींकडे बघण्याचा दृष्टीकोन दिसून आला. म्हणून त्याला ट्रोल केलं जातय.
हिमांशू जांग्राने आपल्या या कृतीबद्दल माफी मागितली व सोशल मिडिया अकाऊंट्स डिलिट केले. प्रणितने सुद्धा माफी मागितली. प्रणितचं म्हणणं आहे की, ‘ती कमेंट प्रेक्षकाने केली होती. तो माझा विचार नाही’ पण प्रणित त्याला प्रोत्साहन देत होता, हे तर सर्वांनी पाहिलं. प्रणित मोरेच्या शो मध्ये हिमांशू जे आक्षेपार्ह बोलला, त्यामुळे त्याला नोकरीवरुन काढून टाकण्यात आलं. गुरगाव येथील कंपनीत तो वेब डेवलपर म्हणून काम करायचा. स्टारविक डिझाइन या कंपनीत हिमांशू नोकरीला होता. शनिवारी स्टारविक डिझाइनने त्यांच्या इन्स्टाग्राम अकाऊंटवर एक नवीन व्हिडिओ पोस्ट केला. स्टारविक डिझाइनचे संस्थापक विवेक विश्वाकर्मा हे हिमांशू सोबत बोलताना दिसत आहेत.
एक आठवडा तर घरात कोणाला काही माहित नव्हतं
व्हिडिओमध्ये विवेक हिमांशूला विचारतात, घरी कसं आहे? त्यावर हिमांशू बोलला की, “सर माझी कंडीशन खूप खराब आहे. मागच्या दोन आठवड्यांपासून इन्स्टाग्रामवर खूप ट्रोल होतोय मी. एक आठवडा तर घरात कोणाला काही माहित नव्हतं. माझ्या शहरात कोणाला काही माहित नव्हतं” “आठवड्याभरापूर्वी माझ्या काकांना या वादाबद्दल समजलं. त्यांनी मला विचारलं. तो काकांना बोलला की, तुम्ही कोणाला काही बोलू नका. काही दिवसांनी सर्व विसरुन जातील. पण ट्रोलिंग थांबलं नाही. ते आमच्या शेजाऱ्यांपर्यंत पोहोचलं. लोकांनी घरी येऊन माझ्या पालकांना सांगितलं की, तुमचा मुलगा चुकीचं बोलला आहे” असं हिमांशू जांग्रा म्हणाला.
View this post on Instagram
का गेले होतो त्या शो मध्ये?
“कुटुंबियांनी मला बोलवून घेतलं व विचारलं हे काय चाललय. मी सांगितलं की माझी चूक झालीय. त्यावर ते ओरडले, समजावलं. इथपर्यंत सर्व ठीक होतं. पण जेव्हा त्यांना समजलं की, मला नोकरीवरुन काढून टाकलय तेव्हा ते टेन्शनमध्ये आले. आता कुटुंबियांना बघतो तेव्हा मनात खूप पश्चातापाची भावना येते, का गेले होतो त्या शो मध्ये?” असं हिमांशू जांग्राने सांगितलं.
