Video: तिरुपतीच्या पुरात फसलेल्या पुजाऱ्याला ट्रॅफिक पोलिसाने वाचवलं, शूरवीर पोलिसाचं नेटकऱ्यांकडून कौतुक

व्हायरल होत असलेल्या व्हिडिओमध्ये तुम्ही पाहू शकता की पुराच्या वेळी पुजारी अडकतात आणि मदतीसाठी ओरडतात आणि त्यानंतर तिथे कर्तव्यावर असलेले सीआय श्री नायक त्यांना मदत करण्यासाठी पाण्याशी झुंज देत दोरीच्या सहाय्याने त्यांच्यापर्यंत पोहोचतात.

पुजाऱ्याची पुरातून सुटका

TV9 मराठी डिजीटल टीम | Edited By: VN | Updated on: Nov 23, 2021 | 2:03 PM

सध्या दक्षिण भारतातील कर्नाटक आणि आंध्र प्रदेशात मुसळधार पावसाने कहर केला आहे. तिरुपतीहून समोर येत असलेल्या व्हिडीओंमध्ये शेकडो यात्रेकरू भीषण पुरात अडकल्याचे दिसत आहे. घाट रोड आणि तिरुमला हिल्सचे रस्ते बंद आहेत. या जागांशी संबंधित अनेक व्हिडिओही सोशल मीडियावर व्हायरल होत आहेत. यासंबंधीचा एक व्हिडिओ सध्या समोर आला आहे. ज्याचे सध्या सर्वत्र कौतुक होत आहे.

व्हायरल होत असलेल्या व्हिडिओमध्ये तुम्ही पाहू शकता की पुराच्या वेळी पुजारी अडकतात आणि मदतीसाठी ओरडतात आणि त्यानंतर तिथे कर्तव्यावर असलेले सीआय श्री नायक त्यांना मदत करण्यासाठी पाण्याशी झुंज देत दोरीच्या सहाय्याने त्यांच्यापर्यंत पोहोचतात. आणि आपल्या जीवाची बाजी लावत पुजाऱ्याचे प्राण वाचवतात.

पाहा व्हिडीओ

#APPolice Cyclone Rescue Operations : A priest working at the Kodavalur Shiva temple in #Nellore Dist was riding his bike at Venkateswarapuram bridge when he was swept away by the flood waters & was shouting for the help,while Traffic CI Sri Nayak dared to bring the priest safely pic.twitter.com/qEP4mANXZk

— Andhra Pradesh Police (@APPOLICE100) November 21, 2021

आंध्र प्रदेश पोलिसांनी बचावकार्याचा हा व्हिडिओ ट्विटरवर शेअर केला आहे. जो सध्या व्हायरल होत आहे. ज्याला बातमी लिहिपर्यंत 6 हजारांहून अधिक व्ह्यूज मिळाले आहेत. याशिवाय सोशल मीडिया यूजर्सही या तरुणाचे कौतुक करत आहेत.

या पोलीस अधिकाऱ्याचे लोकांकडून कौतुक होत आहे. या व्हिडिओवर अनेक युजर्सनी आपली प्रतिक्रिया नोंदवली आहे. एका यूजरने कमेंट करत लिहिले, ‘इन्स्पेक्टरचे धाडस वाखाणण्याजोगे आहे’ दुसऱ्या यूजरने लिहिले की, ‘पोलिसांच्या या प्रतिमेला कोणीही दाखवत नाही… अशा धाडसी अधिकाऱ्याला सलाम, आणखी एका यूजरने कमेंट करत लिहिले की, ‘शूर पोलीस हवालदार, त्याला पुरस्कार मिळायला हवा. या व्हिडिओवर हजारो लाईक्स आणि कमेंट्सही पाहायला मिळत आहेत.

हेही पाहा: