Business Idea: दोन मित्रांची भन्नाट बिझनेस आयडिया! नोकरी सांभाळत सुरुवात अन् लाखोंची कमाई
फक्त 35 हजार रुपये गुंतवून या मित्रांनी आपला बिझनेस सुरु केला, ज्यामधून त्यांनी तब्बल 6 लाखांची कमाई केली. नेमकी काय आहे ही बिझनेस आयडिया? जाणून घ्या..
Business Idea: विकेंड म्हटलं की प्रत्येक नोकरदार व्यक्तीचा आरामाचा दिवस. विकेंडला मित्रांसोबत मजा करण्याची, पार्टी एन्जॉय करण्याचा प्लॅन सगळेच करतात. मात्र नोएडामधील दोन मित्रांनी विकेंडला आराम नव्हेतर आपली स्वप्न पूर्ण करण्याचा निर्णय घेतला. नोकरी करत करत आपला स्वत:चाही व्यवसाय असावा असं प्रत्येकालाच वाटते. याच उद्देशाने या दोन मित्रांनी विकेंडला भन्नाट बिझनेस आयडिया शोधून काढली. फक्त 35 हजार रुपये गुंतवून या मित्रांनी आपला बिझनेस सुरु केला, ज्यामधून त्यांनी तब्बल 6 लाखांची कमाई केली. नेमकी काय आहे ही बिझनेस आयडिया? जाणून घ्या..
दोन मित्रांची भन्नाट बिझनेस आयडिया!
ही कथा आहे 26 वर्षीय ऋषभ कुमार आणि शशिकांत सिंग.दोघेही नोएडाच्या सेक्टर 76 मध्ये ‘लहम’ नावाचा मटण विक्रीचा स्टॉल चालवतात. ऋषभची बहीण, प्रियांका, सुद्धा या व्यवसायात त्यांना मदत करते आणि स्वयंपाकघर सांभाळते. ऋषभ आणि शशिकांत यांनी यापूर्वी बंगळूरुमध्ये एकत्र काम केले होते. या वर्षी नोएडाला आल्यानंतर त्यांनी स्वतःचा काहीतरी व्यवसाय सुरू करण्याचा निर्णय घेतला. ऋषभला फॅशन आणि खाद्य व्यवसायात रस होता, परंतु फॅशनचा व्यवसाय सुरू करण्यासाठी मोठ्या गुंतवणुकीची आवश्यकता होती. त्यामुळे त्यांनी खाद्य आणि पेय व्यवसायाची निवड केली.
त्या दोघांनी श्रावण महिन्यात आपला व्यवसाय सुरू करण्याचा निर्णय घेतला, जेव्हा बरेच लोक मांसाहार टाळतात. त्यांनी फक्त 35,000 रुपयांमध्ये एक खाद्यगाडी, दिवे आणि स्वयंपाकाचे साहित्य खरेदी केले. त्यांचा स्टॉल 5 सप्टेंबर रोजी सुरू झाला. पहिल्या महिन्यात, त्यांनी फक्त शनिवार आणि रविवारीच दुकान उघडले आणि अंदाजे 6,00,000 रुपयांची उलाढाल केली.
सर्वांप्रमाणेच त्यांनाही पहिल्या दिवशी खास कमाई करता आली नाही. पहिल्या दिवशी त्यांनी 2.5 किलो मटण शिजवले आणि फक्त 25 प्लेट्स विकल्या. मात्र हळूहळू त्यांच्या मटणाची चव सर्वांना आवडू लागली. आता ते दररोज सुमारे 25 किलो मटण शिजवून विकतात कधीकधी अवघ्या तीन तासात त्यांनी शिजवलेले सर्व मटण विकले जातात. इतकेच नव्हेतर ग्राहकांना टोकण घेण्यासाठीही रांग लावावी लागते.
View this post on Instagram
फक्त 35 हजार रुपयात सुरुवात अन् 60 लाखांची उलाढाल!
‘लहम’चे वैशिष्ट्य म्हणजे त्याची अनोखी चव. अरबी भाषेत ‘लहम’ म्हणजे मांस. येथील मटण हे पाकिस्तानच्या पेशावर आणि खैबर पख्तुनख्वामधील प्रसिद्ध स्ट्रीट फूड ‘लहम चरसी’ पासून प्रेरित आहे. ऋषभने याची चव पहिल्यांदा हैदराबादमध्ये घेतली. यात जास्त मसाले किंवा लाल ग्रेव्ही वापरली जात नाही, त्यामुळे मटणाची अस्सल चव टिकून राहते. हे लहान मलबार कॉईन पराठ्यांसोबत दिले जाते.
अर्ध्या प्लेटची किंमत 159 रुपये, पूर्ण प्लेटची किंमत 279 रुपये आणि मोठ्या प्लेटची किंमत 399 रुपये आहे. आता त्यांनी आपली गाडी एका खाजगी जागेत हलवली आहे. त्यांचा प्रवास हे दाखवून देतो की, स्वतःचा व्यवसाय सुरू करण्यासाठी नोकरी सोडणे नेहमीच आवश्यक नसते. योग्य नियोजन, कठोर परिश्रम आणि एका चांगल्या कल्पनेच्या जोरावर, छोटे उद्योगसुद्धा मोठे यश मिळवू शकतात.
