VIDEO: तोल गेला अन् गाढव टेकडीवरून घसरलं, दगडांवरुन ठेचकाळत खाली आलं, पण क्षणात उभं राहून चालायला लागलं
Viral Video | एरवी गाढव म्हणजे थट्टेचा किंवा अपमानाचा विषय असतो. मात्र, हा प्राणी किती काटक आणि सामर्थ्यशाली असू शकतो, याचा प्रत्यय या व्हीडिओतून येईल.
मुंबई: सोशल मीडियावरील अनेक व्हीडिओ हे तुम्हाला अनेकदा आश्चर्यात टाकणारे ठरतात. या व्हीडिओंमध्ये काहीतरी भयंकर घडणार असे वाटत असतानाच चमत्कारासारखे काहीतरी घडते आणि सर्व गोष्टी सुरळीत आणि सुखरुप राहतात. सध्या सोशल मीडियावर एका गाढवाचा असाच एक व्हीडिओ व्हायरल होत आहे.
एरवी गाढव म्हणजे थट्टेचा किंवा अपमानाचा विषय असतो. मात्र, हा प्राणी किती काटक असतो, याचा प्रत्यय या व्हीडिओतून येईल. या व्हीडिओत अंगावर ओझे लादलेले एक गाढव टेकटीवर उभे असलेले दिसत आहे. या गाढवाच्या आजुबाजूला मेंढ्या फिरताना दिसत आहेत. त्यावेळी अचानक या गाढवाचा तोल जाऊन ते टेकडीवरून खाली घसरताना दिसते.
या टेकडीचा बहुतांश भाग हा खडकाळ दिसत आहे. त्यामुळे गाढवाचा तोल गेल्यावर ते दगड आणि खडकांवर ठेचकाळत खाली गडगडत येताना दिसते. हे पाहिल्यावर या दुर्घटनेत गाढव जबर जखमी होईल किंवा त्याचा जीव गेला असेल, असे आपल्याला वाटते. मात्र, टेकडीच्या पायथ्याशी घरंगळत आल्यानंतर गाढव काही झालेच नाही, अशाप्रकारे उठून पुन्हा चालायला लागते. साहजिकच हा प्रकार अचंब्यात टाकणारा आहे. त्यामुळे सोशल मीडियावर या व्हीडिओ अनेकांची पसंती मिळत आहे.
The donkey is strong pic.twitter.com/PUxVu7mEuX
— Life and nature (@afaf66551) August 20, 2021
संबंधित बातम्या:
Video | बर्थडे सेलिब्रेशनसाठी तरुणी रुसली, समजूत काढताना बॉयफ्रेंडने हात टेकले, व्हिडीओ पाहाच !
