Mumbai Local: ऊन नाही, माणसाला वेळ नाही, पण मुंबईकर है तो मुमकीन है! हमारे पास लोकल है!

मुंबई: बाबा रे मुंबईकर (Mumbaikar) कधी काय करतील याचा नेम नसतो! मुंबईत खूप धावपळ असते लोकांची असं सगळेच म्हणतात. इथे राहणार माणूस ते रोज अनुभवतो. मुंबईमध्ये उन्हाळा पावसाळा हिवाळा सगळेच ऋतू जबरदस्त असतात. पावसाळ्यात खूप पाऊस, उन्हाळ्यात जीवाचे पार हाल होतील इतकं ऊन आणि हिवाळा म्हणजे थंडीच थंडी! पावसाळ्यात तर सूर्याचं दर्शन होत नाही 4-4 दिवस मुंबईकरांना. ऋतू कोणताही असू, काही गोष्टी मुंबईकरांसाठी कधीच बदलत नाही. लोकल आणि धावपळ! या दोन गोष्टींचं एकमेकांमध्ये खूप चांगलं नातं आहे. धावपळ आहे म्हणून लोकल (Mumbai Local) आहे. लोकल आहे म्हणून धावपळ आहे. पण मुंबईकर गोष्टीसोबत ओक्के आहेत. ते आपल्या धावपळीत सुद्धा आपलं सगळं काम लोकल मध्ये करून घेतात. लोकल मध्ये भाजी कापतात, भाजी निवडतात, मेकअप करतात, जेवण करतात, झोपतात… बापरे अशा असंख्य गोष्टी आहेत. बाहेरच्या माणसाला नवल वाटेल कसं म्हणजे , कसं जमतं? असं लोकं म्हणतात…असाच एक व्हिडीओ व्हायरल (Video Viral) होतोय ज्याला बघून लोकं म्हणतायत बापरे…कसं? कसं जमतं?

अब देखो भय्या जिंदगी तो रुकेगी नहीं…

व्हिडीओ आहे मुंबईतल्या भर पावसाळ्यातला! खूप दिवस ऊन नाही आणि मुळात म्हणजे माणसाला वेळ नाही. करणार काय? ओले कपडे वाळणार कसे? अब देखो भय्या जिंदगी तो रुकेगी नहीं, मग त्या मुंबईकराने आयडिया केली. त्याने ते ओले कपडे लोकल मध्ये वाळत घातले. झाला व्हिडीओ व्हायरल! हा व्हिडीओ पाहून तुम्हाला हसू आवरणार नाही. ‘हे फक्त आपल्या मुंबईत घडू शकते, असे भन्नाट कॅप्शन देत शेअर केलेल्या व्हिडीओमध्ये मुंबई लोकलचा एक डब्बा दिसतोय. या डब्यात कुणीतरी चक्क शाल, चादर आणि टॉवेल सुकत घातलेले दिसत आहे.

View this post on Instagram

A post shared by Dadar | दादर (@dadarmumbaikar)

कितने तेजस्वी लोग है!

मुंबईसह राज्यभरात गेल्या काही दिवसांपासून पावसाने धुमाकूळ घातला आहे. कितीही पाऊस असला तरी कामानिमित्त लोकांना घराबाहेर पडावे लागते. पावसाळ्यात दैनंदिन जीवनातील सर्वात मोठी समस्या म्हणजे कपडे लवकर न सुकणे. प्रत्येकालाच या समस्येचा सामना करावा लागतो, परंतु एका मुंबईकराने या समस्येवरही मात करत जबरदस्त जुगाड शोधून काढला आहे. ‘दादर मुंबईकर या इन्स्टाग्राम पेजवरील एक व्हिडीओ सध्या तुफान व्हायरल झाला आहे. व्हिडीओवर नेटिझन्सनीदेखील भन्नाट प्रतिक्रिया दिल्या आहेत. एका युजरने कमेंट केली आहे, ‘आता फक्त हेच बघायचं राहिलं होतं’ तर दुसऱ्या युजरने कितने तेजस्वी लोग है. असे म्हटलेय.