Mumbai Local स्टंट मारायला गेला, मरता मरता वाचला!
रेल्वेतून उतरताना किंवा चढताना लोकांना अपघाताला सामोरे जावे लागले आणि त्यांचा जीव गेला. असं असूनही काही लोक याकडे दुर्लक्ष करतात आणि अशी चूक करतात.
मुंबई: तुम्ही ट्रेनने प्रवास करत असाल, ते खूप सोयीस्कर आणि स्वस्तही आहे. पण रेल्वेने प्रवास करताना अनेक गोष्टींची काळजी घ्यावी लागते. त्यातली एक प्रमुख काळजी म्हणजे चालत्या गाडीतून न उतरणे, चालत्या गाडीत न चढणे. अशा अनेक घटना तुम्ही पाहिल्या किंवा ऐकल्या असतील की, रेल्वेतून उतरताना किंवा चढताना लोकांना अपघाताला सामोरे जावे लागले आणि त्यांचा जीव गेला. असं असूनही काही लोक याकडे दुर्लक्ष करतात आणि अशी चूक करतात. कधी ती चूक असते, कधी मुद्दाम करतात. एक व्हिडिओ सध्या सोशल मीडियावर व्हायरल होतोय, बघून तुम्हाला आश्चर्याचा धक्का बसेल.
खरंतर या व्हिडीओमध्ये एक माणूस चालत्या ट्रेनमधून खाली उतरण्याच्या प्रयत्नात अचानक खाली पडतो, पण या अपघातात त्याला काहीच होत नाही.
व्हिडिओमध्ये तुम्ही पाहू शकता की, ट्रेन प्लॅटफॉर्मवरून जात आहे आणि त्यात किती लोक आहेत. ट्रेनच्या आत जागा नाही, म्हणून लोक दारावर लटकत आहेत.
दरवाजाला लटकलेल्या अशाच एका व्यक्तीने फलाटावर भरधाव वेगाने येणाऱ्या ट्रेनमधून खाली उतरण्याचा प्रयत्न केला, बराच वेळ गेल्यावर तो खाली पडला. सुदैवाने त्याचे पाय किंवा हात ट्रेनच्या चाकाजवळ जात नव्हते, अन्यथा त्याला गंभीर दुखापत झाली असती किंवा जीव गमवावा लागला असता.
Spirit of Mumbai – Part 5pic.twitter.com/KkYGpHcNkh
— Roads of Mumbai ?? (@RoadsOfMumbai) October 17, 2022
अशी चूक अजिबात करू नये. मुंबईतील रेल्वे स्टेशनवर ही घटना घडली आहे. हा धक्कादायक व्हिडिओ सोशल मीडिया प्लॅटफॉर्म ट्विटरवर @RoadsOfMumbai नावाच्या आयडीसह शेअर करण्यात आला आहे.
