Aadhaar Card मोफत करा अपडेट; पुन्हा वाढवली सरकारने मुदत

Aadhaar Card | आधार कार्डची माहिती मोफत अपलोड करता येणार आहे. केंद्र सरकारने देशातील कोट्यवधी जनतेला मोदी सरकारने पुन्हा दिलासा दिला. 14 मार्चपर्यंत यासाठीची अंतिम मुदत होती. ही मुदत आता 14 जूनपर्यंत वाढविण्यात आली आहे. आधार कार्डधारकांना आता त्यांचे आधार कार्ड अपडेट करता येईल.

आधार असे करा मोफत अपडेट, वाढवली मुदत

KALYAN DESHMUKH | Updated on: Mar 12, 2024 | 5:23 PM

नवी दिल्ली | 12 March 2024 : मोदी सरकारने फ्री आधार सविस्तर अपडेट करण्याची मुदत 14 मार्चहून 14 जून, 2024 रोजीपर्यंत वाढवली आहे. आता देशातील कोट्यवधी लोकांना 4 महिन्यांचा कालावधी वाढून मिळाला आहे. समाज माध्यम X वर UIDAI ने याविषयीची पोस्ट केली आहे. युआयडीएआयने लाखो आधार कार्डधारकांना लाभ मिळण्यासाठी फ्री ऑनलाईन कागदपत्रे अपलोड करण्याची सुविधा 14 जून 2024 रोजीपर्यंत वाढवली आहे. ही मोफत सेवा केवळ myAadhaar पोर्टलवर उपलब्ध आहे. जर तुमचे आधार कार्ड 10 वर्षांपेक्षा अधिक जुने असेल आणि अजून ते अपडेट केले नसेल तर ही संधी उपलब्ध झाली आहे.

या ठिकाणी करता येईल बदल

या निर्णयामुळे नागरिकांना कागदपत्रांआधारे myAadhaar पोर्टल https://myaadhaar.uidai.gov.in/ च्या माध्यमातून 14 जूनपर्यंत मोफत बदल करण्यात येणार आहे. आधार कार्डमधील हा बदल केवळ ऑनलाईन अपडेशनसाठी आहे. पण तुम्ही आधार केंद्रावर जाऊन कागदपत्रांआधारे आधार कार्डमध्ये बदल कराल तर त्यासाठी 25 रुपये शुल्क अदा करावे लागेल.

10 वर्षें झाल्यास करा बदल

आधार कार्ड अत्यंत आवश्यक पुरावा मानण्यात येतो. अनेक सरकारी आणि गैर सरकारी कामासाठी आधार कार्ड दाखवावे लागते. भारतीय विशिष्ट ओळख प्राधिकरण वेळोवेळी आधार कार्ड अपडेटविषयी निर्देश देते. सध्या आधार कार्डला 10 वर्षांपेक्षा अधिकचा कालावधी झाला असेल तर आधार कार्डमध्ये अपडेट मोफत करता येते.

असे करा आधार कार्ड अपडेट