10,000 रुपयांच्या मासिक SIP द्वारे 5 कोटी जमवा, जाणून घ्या

तुम्हाला श्रीमंत व्हायचं असेल तर ही बातमी नक्की वाचा. तुम्हाला फक्त आपला वेळ आणि योग्य दिशेने गुंतवणूक करण्याची आवश्यकता आहे. असे केल्यास तुम्ही देखील श्रीमंत होऊ शकतात. आता यासाठी नेमकं काय करावं लागेल, याविषयीची माहिती पुढे जाणून घ्या.

आपल्या प्रत्येकाच्या आयुष्यात मोठी स्वप्नं असतात, आलिशान घर, मुलांसाठी उत्तम शिक्षण किंवा निवृत्तीनंतर तणावमुक्त आयुष्य. ही स्वप्ने पूर्ण करण्यासाठी केवळ बचत करणे आवश्यक नाही, तर समंजसपणे गुंतवणूक करणे आवश्यक आहे. म्हणूनच 10,000 रुपयांची SIP हळूहळू 5 कोटी रुपयांपर्यंत कशी पोहोचू शकते हे आज आपण समजून घेणार आहोत. यात कोणतीही जादू नाही, त्यासाठी फक्त वेळ, संयम आणि शिस्त लागते.

तुम्ही दर महिन्याला किती बचत करता?

तुम्ही दरमहा 10,000 रुपयांची बचत करून गुंतवणूक करू शकत असाल तर ही खूप चांगली सवय आहे. पण केवळ बचत करून नव्हे, तर समंजसपणे गुंतवणूक केल्यास तुमचा पैसा वाढेल.

तुमचे ध्येय काय आहे?

समजा तुमचे स्वप्न भविष्यात 5 कोटी रुपये जमा करण्याचे आहे- कदाचित निवृत्तीसाठी, मुलांच्या शिक्षणासाठी किंवा एखादे मोठे स्वप्न पूर्ण करण्यासाठी. आता प्रश्न असा आहे की, दरमहा 10 हजार रुपयांपासून ते कसे होणार? जाणून घेऊया.

तुम्ही एकरकमी काही रक्कम जोडली आहे का?

जर तुमच्याकडे एकरकमी रक्कम (उदा. 1 लाख, 5 लाख रुपये इत्यादी) असेल आणि तुम्ही ती ही गुंतवली तर तुमचे ध्येय पटकन साध्य होऊ शकते. पण इथे आम्ही फक्त महिन्याला 10,000 रुपयांच्या एसआयपीबद्दल बोलत आहोत.

पैशावर परतावा (व्याज)

आता समजा तुमची गुंतवणूक दरवर्षी सरासरी 12 टक्के दराने वाढत आहे. शेअर बाजार किंवा म्युच्युअल फंडात दीर्घकाळ गुंतवणूक केल्यास हा परतावा मिळू शकतो.

ध्येय गाठण्यासाठी किती वेळ लागेल?

जर तुम्ही दरमहा 10,000 रुपयांची गुंतवणूक केली आणि 12 टक्के वार्षिक परतावा मिळाला, तर 5 कोटी रुपये जमा करण्यासाठी तुम्हाला 34 वर्ष 2 महिने लागतील. होय, हा बराच काळ आहे, परंतु सातत्यपूर्ण गुंतवणुकीसह हे शक्य आहे.

‘या’ काळात तुम्ही किती पैसे गुंतवले?

या संपूर्ण काळात तुम्ही तुमच्या खिशातून जवळपास 2 कोटी रुपये गुंतवले असतील. उरलेले 3 कोटी रुपये तुमच्या गुंतवणुकीवरील परताव्यातून मिळतील. म्हणजे कालांतराने तुमचे पैसे आपोआप वाढत जातील.

ध्येय लवकर गाठायचे असेल तर काय करावे?

जर तुम्हाला 5 कोटी रुपये लवकर जमा करायचे असतील तर दोन मार्ग आहेत- एकतर दरमहा 10,000 रुपयांपेक्षा जास्त गुंतवणूक करा किंवा एकरकमी रक्कम एकत्र करा. यामुळे तुमचा वेळ कमी होईल.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)